集運 @ 淘寶

最近忙到跳舞....弄東弄西....結婚的東東總是整極都唔完?!
怎麼當初唔旅行結婚算??  淪落到依家自討苦吃..自食其果

先說說最近小妹我都在忙些甚麼?!....
在弄我那份有5頁A3紙的Preparation List....(預料還會再多1-2頁) ....
Guest list...(像是會永世都執唔完)
some DIY stuff....invitation card...wedding dress...decoration issue..etc.
當然仲有淘寶啦....我真係淘寶淘到癲左...不眠不休...不分早晚..不論在家或返工...
結果...

早幾日收到淘寶email過黎既statement.......我既戰績如下...RMB $2550.24 
睇下果條一柱擎天既走勢圖....

淘寶淘得多都有少少好野可以同大家分享下...就係可以幫大家慳錢既集運啦

以前未識集運...單單係淘寶買一對鞋寄黎香港運費都$30 - 40HKD...
由其小妹住沙田...順豐竟然話係偏遠地區....要收附加費....
(但係有朋友住天水圍竟然唔洗收)......真係不明所以...所以尋找慳錢方法好重要...

(小妹之前唔知集運係何方神聖...曾經天真以為係幾個香港買家夾埋係同一間淘寶店都買野...
然後寄去某一個地方...大家一齊約出黎取貨...一齊夾返個郵費...ya...你地盡情笑我啦)

由於唔排除有人同我一樣誤解左集運...所以等小妹簡單咁解釋一下普通淘寶同集運既分別..
普通淘寶: (適用於少量購物)就係最基本既程序...我地係淘寶買野...賣家經速遞將貨物送到你屋企...
牽涉既人物只有你、賣家...仲有速遞三個人...

集運: (適用於大量購物)你係唔同淘寶店買野...各賣家會分別叫速遞送去俾集運...集運再將你全部買既物件收集埋一齊..
等你買齊野..集運就會將你所有寶貝一次過寄黎香港...

原理大概係咁:

而集運有咩好處? 當然係郵費平好多啦....
不過如果你只係光顧1-2間淘寶店..買少量貨品...用集運就無乜用啦...

-----------------------------------------------------------------------------------------------------------------

波仔集運http://shop61664699.taobao.com/?spm=2013.1.2.1.c8002a無意之中比我發現淘寶有人做集運生意...運作非常簡單!

做法:
Step 1. 照平時一樣去淘寶shopping...
Step 2. 睇岩記住問賣家可唔可以免郵費...(可以又慳一筆) 傾掂數之後俾錢付款...
(注意: 付款前需要將送貨地址更改為集運既收運地址..如果唔係就會直接寄落香港架啦)
*你可以不斷去唔同店鋪shopping...重複Step 1 & 2..中間唔需要聯絡集運..佢地會自動波幫你收貨!Step 3. 到你買齊所有物品...你可以按"查看物流"..睇睇係咪所有物品已經被集運簽收左..
Step 4. 聯絡集運...將你所有"運單號碼" 告知集運...佢地會按單號將所有屬於你既物品執齊..磅重..
   然後通知你郵費需要幾多錢..
   (每一次淘寶交易都會有一個運單號碼..eg:閣下係10間店鋪買左野...你就會有10個運單號碼)
Step 5. 溝通完之後...按平時付款程序拍底條link..等對方改好郵費之後付款...
然後就可以靜心等待你既寶貝來臨啦！


分享返個人經驗..
小妹一次過係17間鋪頭都掃左貨....(你無睇錯係17間鋪頭...唔係買左17樣野..!)..
等集運收齊我所有貨物...一磅之下: 25.5公斤..公斤..公斤..公斤..
我心諗大檸樂啦! 成56磅...RMB$2xx都應該走呀甩...
點知!! 集運果邊話我知郵費只需RMB$130...抵到不得了..
對方仲問我想用邊間速遞公司..用EMS唔需要加任何附加費...不過要等2-3日..
京廣快遞就今日寄聽日收到..不過要加RMB$25上門費....
因為裡面有d野要急用..所以我揀左"京廣"...連埋上門費都只係$155..
第二日中午已經收到啦!快、靚，正！

因為d貨係小妹娘親幫我收既...亦因為買得太多...分開左兩大袋...
娘親收到貨之後即刻打黎照肺: 你果兩座山裡面係咩黎架??!!
不過我唔記得影果兩座大山...但只能說: 十分壯觀..
果晚媽咪負責幫我拆封...我負責邊驗貨邊過數比賣家...
從夜晚8點整到11:30...骨都斷....
因為太累太累無逐樣野影相...只係影左小部份...

遲d再逐樣分享...又或者你地睇中d咩?我可以分享左先