過大禮

                                               9。29     星期六     大吉

今日係大吉日呢.....我們今日過大禮啦



因為顧生係上海人...上海人係完完全全地唔知我地廣東人既習俗同儀式..
未來奶奶同我講佢唔知咩叫過大禮...咩叫上頭...咩叫安床....
佢地上海人結婚只會揀一日大家方便...去政府登記...擺酒..
唔需要拜神..唔需要回門...Nothing~

而小妹娘親...百份百廣東人...初一、十五、過時過節都要拜神果種...
好多禮數媽咪都話要做...呢樣要...果樣都要


需然...大家都肯一人讓一步...未來奶奶可以都盡做...媽咪可以都盡減...(感激不盡!)
但係有陣時我夾係中間真係好辛苦...真係有苦自已知
未來奶奶話佢咩都唔識...叫我教佢~~~~ 講真..我又點會識??
我同佢講: 唔洗擔心...我會整張List比你照住買..跟住做...
另一邊..我就返屋企開定個excel..媽咪一路講..一路打...
間唔中仲要同佢講下數..叫佢唔好搞咁多野..減得就減
然而...中間仲要比顧生哦下我..問我呢樣唔做得唔得..果樣唔做得唔得
最嬲係佢講左幾次: 你依家嫁俾上海人就跟上海人習俗...
我頂你..你依家娶果個係廣東人囉!!!!! 你屋企辦喜事...我屋企唔係咩??
我媽咪已經做左好多讓步...好多野都用利事代替左...
而我自已一個係中間準備左成個月..問完我媽咪又同你媽咪交代...
準備list...仲有只要我可以買既野我都自已買左..
顧先生你自已日日返工..OT..過大禮既事幾時有麻煩過你??
我單單為左過大禮已經喊左兩、三次......壓力大到爆炸！

磨合左整整一個月...我地終於過大禮啦...而我地既過大禮真係新潮到無人有..
傳統既過大禮係...男家會搵親人將所有禮金&禮品送到去女家...古代叫提親！
而相方父母係唔會見到面..講究d係連新郎本人都唔會去女家..
但係因為顧生果邊無乜親人係香港..大部份都係上海或者外國...
所以我地既過大禮方法係: 兩家人約出黎係茶樓過大禮 (百無禁忌啦~)

折磨左自已整整一個月...黎到今日過大禮再爆一次勁既..26個鐘無得訓!!
話說小妹過大禮之前一直返緊overnight shift..
(有告訴過你們我在酒店工作嗎? Ha...just in case u don't know )
一大早8點放工...唔係返屋企會合屋企人...而係去左男家幫未來奶奶手...
因為佢問左我n次個禮金盒應該放d咩落去......
而媽咪又係我之前一晚出門口返工前整左兩包野黎(扁柏、碌柚葉 + 八京果)..
吩咐我要放入禮金盒.....(我媽咪好鐘意ad hoc 加野...)

就係咁...放工去左男家...自已執返自已個禮金盒 (!!!) ...再跟返張list睇下有無野漏...
夠鐘幫手拎野去酒樓(!!!) ...然後再同顧生落街接我daddy mami....
就係咁....我地就過左一個前無古人後無來者既大禮...
一跟食飯....一路吹水....

飲完茶..過完大禮...顧生就陪左我地返屋企....
媽咪又開壇話要品神...通知神仙同祖先佢個女我就黎要嫁啦...(我好眼訓)
最後同顧生乖乖拜完神已經下午六點幾.....唔爭在食埋飯.....
搞得黎...10點訓......

嗚嗚....經過26個鐘...我終於有得訓啦..


Btw...娘親打開個龍鳳餅話要拜神...我先第一次認真睇清楚龍鳳餅係咩樣...
(之前兩個哥哥結婚屋企都有龍鳳餅...不過我眼尾都無望過一眼)
而我既結論係: 望黎望去都唔知邊個係龍...邊個係鳳...

終於過完大禮啦....開心到想喊

Stay 3D - 趙太

黎緊既post會開始講我地上海既pre wedding...(拖左足足三個月有多)
不過出發前要先講下我地當初所做既Preparation

好耐之前講過我地去上海影pre wedding係唔包婚紗禮服既...所以所有服飾都要自已準備..
顧生既服裝比較容易準備(但係顧生好似小朋友咁..問左我n次佢去上海要著咩衫)
而我自已d衫就複雜十倍....

顧生之前係祥興做左兩套禮服係結婚當日著...一套短身...一套日式小燕尾...
而我覺得男仔既禮服黎黎去去都差唔多...所以叫顧生帶短身果套禮服去上海...
而日式小燕尾就留返big day先著...
不過始終無理由一套衫影全日...所以要幫佢物色多一套...
幸好小妹平時有做開功課..一諗就諗到要去搵趙太...

趙太間鋪頭好易認...大大個"趙太"貼係門口..唔驚搵錯~

一入到去就見到好多shirt衫...趙太話呢度咩Size都有...
連顧生咁大隻都無問題

另一邊放左d晚裝...
我無無聊聊問下趙太整一件姊妹裙要幾多錢...(根本無諗住幫襯)
雖然唔記得exactly幾多錢...不過我記得一d都唔平....


顧生話佢原本件西裝係純黑色...問我可唔可以搵件有小小花紋....
反正唔係太誇張我都無阻止佢...
最後我地買左一套西裝、一件Shirt衫、
一件銀灰色背心、一件銀黑色腰封、
一條bow tie & 一條豬腸tie...
Total: 1322HKD..都唔算貴~
加上以上accessories已經可以著到下面兩個look..
顧生上海pre wedding look......搞掂！


Stay 3D Wedding Dreaa Co. - 趙太
Tel: 2725 6018
Address: 尖沙咀 堪富利士道11號 堪富利士大廈9樓A室
Blog: http://blog.yahoo.com/stay3d/articles/page/1

Office Hour: 只開星期五、六、日
星期五: 17:00 - 22:00
星期六: 11:00 - 22:00
星期日: 11:00 - 18:00

紅豆 - 收到相啦！

終於收到紅豆既相簿啦.....等我分享下先! (其實已經收到接近一個月)

8月27號收到紅豆既email...話佢地已經寄出左相簿..預計2-3日就會到香港..
結果29號就收到啦...紅豆真係好有交帶!

拆開個包裝盒...裡面所有野都用bubble紙包住...唔驚刮花整爛~

呢個相簿箱係跟我地搭飛機返黎...並唔係跟速遞...
因為紅豆果邊話驚壓爛...所以唔會寄俾我地....
如果我地想要...就要自已拎....
放左佢入衣櫃兩、三個月...終於可以拎出黎....搵返佢既另一半: 相簿....

相簿箱同相簿係一Set架....好靚~


相簿內頁...D相印很好清楚...顏色好靚...


兩幅相..連相架

 

另外有CD盒...

打開有我地婚紗相既CD..另一邊貼住紅豆寫比我地既祝福Memo...How sweet

我同顧生都非常滿意紅豆既作品...不過顧生既反應比我更為興奮....
不斷話要返去紅豆影post wedding

後記:
紅豆之旅真係十分美好....之前無諗過影結婚相可以有咁好既回憶...
不過當你接觸過紅豆上上下下既工作人員...同佢地相處一日...
當佢地陪你上山下海...當佢地盡力、訓身地幫你影每一張相...
當你見到佢地為藝術而堅持既時候..
你就會明白點解咁多新人會選擇紅豆...

Rex同我地講...佢地唔會黎香港參加Wedding Expo...唔會特別去做廣告..
只因為佢地希望每一對去紅豆影相既新人...都係從心底鐘意佢地既作品...
而唔係因為某一日你去wedding expo有人俾disscount你而join佢地....
唔係因為見到廣告d model好靚而join佢地..

我相信...呢個就係紅豆與眾不同既原因!

 

我的花球 - 秋子花藝

大家又要同我一齊回首過去....話說花球早在7月已訂...

其實最初打算結婚當日用絲花...一黎平...二黎唔怕謝...點搞個花球都無問題...
不過Wedding Planner話無乜人會用絲花結婚..叫我都係用返真花好d..
咁我就乖乖地聽話啦....

上網search下大多數B2B去邊度訂花球...結論都係大熱門果幾間..
繽紛、秋子花藝、Agnes b、 Miracle Flower.....
跟住再search下自已鐘意咩花球...(其實對花一d研究都無...淨係識得收)
發現呢款Agnes b花球非常清雅! 

當我滿心歡喜打算過幾日去訂之際...就俾我發現原來岩岩Agnes做完大減價
即時被打沉左..(Dissount左只需$9xx...原價$1350...花球+新郎襟花Only)

不過我都有比多次機會Agnes b. ....有一日放工自已親身去Agnès b. Fleuriste睇...
發現Agnes b.除左上面呢個花球之外...其他我無一個睇得上眼...
加上我醒覺Agnes b.當時所有花店都係港島區 (依家沙田新城市廣場開左新店啦)..
但顧生同我屋企都唔係港島區..咁我結婚之前一日特登出港島一轉咪好浪費時間?!
(大家都知結婚之前一日幾咁忙架啦..)
另外$1350只有花球+新郎襟花...咁再另加四大長老+兄弟姊妹襟花咪好貴??!!
我既理性最後戰勝左我既慾望...空手而回..
但誰知道..the best is yet to come?!

同wedding planner討論過...佢suggest我去搵秋子花藝...
因為佢結婚既時候都係用秋子既花球..個花球好新鮮...仲last得好耐...
聽佢講擺成個星期都得...好利害呀
結果我同左其中一個姊妹上去秋子...
秋子係樓上舖...位處係一間唐樓裡面..不過其實好易搵....
位置正正係金都後面...唐樓旁邊有一間雲吞面店.. 去到唐樓樓下...鐵柵鎖上....
唯有打俾湯生...湯生落黎開門俾我地....樓梯上一層就到啦..

好多blogger講過條樓梯好恐怖...不過事實上還可以啦...
我覺得係街外望入唐樓既鐵柵會恐怖d...因為光暗對比太大..入到去已經無呢種感覺

一入到秋子...見到好多婚紗先知秋子原來有租婚紗服務..

其實地方好乾淨架...大家唔洗擔心啦！


另外見湯生有用紙記底每日有幾多個order....滿左就唔會再接架啦...所以大家要快！

好！講返我...湯生問我想整咩花球....順手俾左本相簿我參考...

睇左幾版唔太岩心水...我就直接拎返Agnes b.個花球出黎比湯生睇...同佢講我鐘意呢個...
湯生既反應係: 哦~~你想整呢個Agnes b.花球係咪??無問題!!
好多新娘子都整呢個花球架...我已經整過好多次啦......
Wow~~~..識整~ 仲整過好多次添~~ 咁就岩啦!!
價錢平過Agnes b..而且仲包: 新郎襟花 x 2 、 四大長老襟花、 兄弟姊妹襟花 x 12 + 頭花~
抵！  跟往好快咁落左單..比埋deposit..爽快! 又搞掂一樣!

秋子花藝 - 湯生
地址: 旺角砵蘭街366號家興樓一樓 (金都商場後面)
電話: 2380 8927

提提大家:
1. 上去之前要打俾湯生問下佢係唔係鋪頭...因為所有野都係佢自已一腳踼...
    好多時佢會出左去買花架...

2. 結婚前兩日打俾湯生提佢幫你整花球....湯生有d大頭蝦...聽過有新娘子話佢miss左order..
    所以用1、2分鐘時間打去提提佢啦