DIY - Our Wedding Logo

記得大約同顧生拍拖一,兩年既時候...有一次顧生係我身邊訓著左...
非常精神既我就隨手拎左一支筆..一個信封..係顧生隔離不經意咁畫畫畫...
比我發現原來我地既英文名 (S + Y) 連起上黎會變左一個心形..
等顧生醒左我拎比顧生睇...顧生話: 拎佢做我地既wedding logo吧...(但果陣仲未講過要結婚)

到後來真係要籌備既時候....我就諗: 我畫呢個logo外表太單調啦...
都係睇睇Wedding Art果邊有咩款式再作打算啦.....
因為我地既wedding theme係蝴蝶...我叫Wedding Art 比d用蝴蝶做主題既logo我參考下...
不過...Wedding Art sent比我既sample...真心地...我無一個睇得上眼....連顧生都覺得完全唔ok...
唔能夠講好唔好睇...因為"各花入各眼"....我只能代表自已同顧生講: 我地唔鐘意....

顧生之後問我...點解唔用返你之前畫果個?? 我答佢: 太單調啦..
顧生再話: 咁你就令到佢唔單調啦...你既然可以畫出呢個logo..點解唔試下自已去美化佢??
對於點樣既logo為之靚...係你自已最清楚呀...

我亦覺得顧生有道理...所以又拎起紙同筆...去美化我數年前所畫既logo...

Version 1:
加左一個外框...感覺上豐富d....
不過依然覺得唔係好match我既蝴蝶呢個主題呀...

Version 2:
我分別加左隻蝴蝶上我地個英文字母上面...代表我同顧生
我覺得滿意之後就交比顧生做決定...顧生都好鐘意呀!
Yeah!! It gonna be our wedding logo!!

畫完之後就交比wedding art幫我地用電腦畫出黎....


完成啦..
一個tailor made...完完全全屬於我同顧生既wedding logo...
唔知到時既賓客睇唔睇個出個心形係由S + Y組成呢?



後話:
收到wedding art既logo之後...我希望佢地幫我整ai file....方便我印個logo係其他地方..
Wedding Art回覆話因為個logo係屬於佢地既創作(!!)... 所以如果要整ai file整要另外加多$500...
(!!!..拜托!! 個logo係我自已親手一筆一筆畫出黎..之後交比你地用電腦跟住畫多次咋好無?!)
不過...比左一大半deposit....個draft亦已經交左比佢地畫左出黎....我可以做既只有答應...
其實叫我大啦啦比多$500出黎買個ai file唔係最嬲...最嬲係佢地話個Logo係佢地"創作"....
你地未免誤解左"創作"既意思..

件事已經係兩,三個月之前既事....我只係呻呻罷了...
不過要提醒各位B2B小心唔好犯我呢個錯....比錢之前溝通多d...問多d...免得到時自已激氣...