第一份收到嫁妝

上篇post不知不覺的提到了小妹既父母...才醒覺......我有post未出呀!

一個多星期之前...有一晚係屋企食緊晚飯...小妹我正想將條菜送入口中(!!)
爸爸唔知係邊度拎左個盒出黎"隊"比我...咬住條菜望住爸爸...諗起自已個樣都想笑
爸爸係個唔多出聲既人...我接左個盒之後...爸爸乜都無講就坐底繼續食飯...

我打開個盒...嘩....係一對好大既龍鳳鐲....
雖然我知道...我結婚既時候爸爸媽媽一定會送龍鳳鐲比我...
但係依家既金價咁貴....我真係無諗過爸爸會買對咁大既龍鳳鐲比我....
再望望盒裡面放左張receipt....我真的無言了.......
呢對鐲竟然價值三萬大元...




我不捨爸爸用左咁多錢....同時...我發覺爸爸原來好錫我...
有一段時間我同爸爸既關系好差....但係我發現親人係無隔夜仇...
我除左同爸爸講: 多謝daddy之外...我既腦海一片空白....

那晚自已諗左好多野...諗返起自已仲係細細個...同父母...兩個哥哥相處既一點一滴....

我同自已講..雖然好多時父母既立場同自已唔同...但出發點都係為我地好....
父母係好錫自已的...一定要好好孝順...

呢對金鐲....價值不菲...唔係貴在她的價值 (雖然真係他奶奶的貴!)..而是貴在她內裡的意義....
她....代表了我父母對我既祝福...

我將會好好保存.....留比下一代......

Ps..
問題係...Daddy mami...對鐲唔係應該到我結婚當日你地親手幫我戴的嗎??咁早比我幹甚麼呀?