過去一星期......

整整一個星期無update過blog....不是我懶...而是小妹覺得自已在過住一個星期都在行衰運...

早幾日顧生捉住我同佢玩新買回來既玩具 - xbox kinetic....
這個新玩意差點要了我的小命...對著電視又跳又坐...動手又動腳....
顧生話可以一齊減肥...是的..我絕對相信可以....因為我們開著冷氣都滿頭大汗...
可惜我玩完之後第二日...全身疼痛.....身體就似唔係自已咁樣....
顧生話我少運動....是的是的....我承認好了...你就讓我做個肥新娘直到永遠吧......
我每日拖著那個唔屬於自已既身驅實在太辛苦.......

然後等到身體上既疼痛慢慢消失既時候...我又像是撞邪般...無原無故扭傷頸....

又, 有一日我打了一篇幾百字既whatsapp打算send比顧生....
內容係講述我office一位同事工作能力有多不濟...
(對啦對啦....我係八婆...我最愛跟顧生吐苦水....怎樣啦?)
然而我卻鬼拍後尾枕....sent錯左去公司同事的whatsapp group...
當然那個同事也在那個group內...

又又, 有一日...我在顧生屋企幫佢做呀四...
在我將顧生既一個小包包放入紙袋中收納好既時候...
有一隻壁虎從紙袋裡面爬上小妹既左手！！！！！
你奶奶!! 我生平最怕就係爬蟲類動物！！
我足足喊左一個鐘.....
未來老爺奶奶都笑著話我細膽....我偏唔信你地無野驚
未來奶奶更加話我咁少事喊成咁....生仔果陣仲得人驚....到時我點算???
這是甚麼比喻???

(你那寶貝仔係我身邊哄足我一小時...我體諒你既心理唔平衡吧) ...真係賤咀 


總結..
過去這一個星期...真的活見鬼...