祥興禮服 - 全集

哈哈哈...我Blog唔知追到幾時....
之前同顧生去祥興做禮服....連衫都做好左....拎埋..我先得閒打個blog...
不過唔緊要....可以一次個打全集唔洗分幾次...有賺

----------------------------------------------------------------------------

祥興洋服設計公司 (總店)

地址: 中環皇后大道中 79 號萬興大廈4字樓

電話: 2523 9737 / 2525 8997
營業時間: 星期一至六: 11:00 - 19:00 (午膳時間: 14:00 - 15:00), 假日休息

價錢: $998一套平腳禮服(除了恤衫&配件), 燕尾$1198, 西裝$948, 中山裝都有
  選擇領款, 尖領可免費改回西裝款, 燕尾的話不可改做西裝、外套會繡埋名
 訂造需時2-3星期。另可買一碼半布料給他們造配件 (腰封+bow-tie+袋巾), 一套$248。

Ps:   祥興係有分總店同分店....不過以我所知分店係無師父幫你度身既....
    所以如果各位要訂做禮服就要去返總店啦

提提各位! 當各位睇到我呢篇blog既時候可能以上資料已經唔岩, 所以最好自已打去問下

係勵精中心正對面

認住呢個門面就係啦...

第一次:

第一次去祥興...因為聽聞好多人...所以佢門都未開我地已經到左
佢地開11點...我同顧生10:45已經hea無可hea剷左上去...
一出lift見到有姐姐係門口掃緊地...佢見到我地就問我地係咪做衫?
跟住就話其實師父已經返左..可以度身架啦

祥興地方唔算大...不過裡面真係好多布...好多布..






其實同顧生黎之前...無乜idea要做幾多套 or 咩套式既衫....
大家亦都唔好抱太大希望詳興有好多好多唔同款式比你揀..
聽過有人拎相上去諗住照住整...不過師父一句:唔識整! 而KO左...
所以我地唔好煩...上去鐘意邊款就整邊款...

唔知係咪無客比較得閒...師父比左好多意見我地...又比左D已經做好既衫比顧生試....
最後顧生決定做一件日式燕尾禮服 同 一件短身西裝...

決定左之後就度身啦...

度完身...拎埋張單就走人lu...

第二次:

第二次係去試半制成品....主要係睇下岩唔岩身...有無野要修改....
跟住師父就會直接完成成件禮服架啦~~
睇住顧生著住呢件"獨臂神龍"衫真係笑死我

第三次:

因為我無去到...顧生拎左制成品返屋企試比我睇

日式燕尾禮服:
(顧生點解你個樣要咁Chok??)


短身西裝:

 

兩件禮服手工唔錯...同埋都鏽左"顧"字...非常好


總括黎講詳興真係唔錯....$2000左右就有兩套禮服....租都唔止呢個價錢再且無咁貼身添..
我非常討厭D又閃又誇張既男禮....簡簡單單正合我意