淘回來的好鞋子 1

上回講到俺去"有利"買鞋 for pre wedding...
眾所周知影pre wedding...新娘子係需要一深一淺既高跟鞋去配襯婚紗同晚裝....
原本打算去有利買...不過睇黎睇到都唔鐘意....金都果d又差唔多對對一樣樣....
而且唔知點解我睇中果D都3,4百蚊先可以落樓.....不過我覺得佢唔值...
唯有安慰自已眼光太好
我鐘意D簡單款...出面D鋪頭又全部勁浮誇...閃到眼都盲
加上我唔想搵人整...始終見到個樣自已鐘意先買係最好... (呢個女人真係麻煩)

眼見pre wedding將至...唯有上祖國最偉大既發明 - 淘寶 尋找我心中最愛...
結果無令我失望...淘寶真係 "你講得出都有...你講唔出都有"
就係佢...登....登...

其實鞋我都係第一次係淘寶買....
驚佢品質唔好...驚佢影相好睇到自已著又係另一回事....最驚係唔岩Size...
不過見到呢對鞋好簡單典雅...仲要係我最愛既紫色鞋我都唔理咁多..
個賣家知道我驚Size唔岩...因為我著開37...不過有陣時著37又會太大要著36..
所以搞搞下我都唔知自已著咩size.....
所以佢suggest我買37...另外送一對鞋墊比我....

買左對鞋第二日就已經收到貨.....一打開得盒
我都估唔到呢對鞋$99rmb (未計postage) 就買到....

(Ps. iPhone問題...對鞋變左藍色....其實對鞋係同上面張相一樣係紫色既)


- 鞋身係用綢緞整...望落好光滑...好elegant....
- 手工非常好....完全一D膠水都見唔到
- 著左上去個人企得好穩陣..證明唔係cheap野
- 唔刮腳 (呢個好重要)
- 鞋跟好高...著左個人高左好多...好彩我諗我handle到...
- 唔講唔知..因為相無show到...對鞋既鞋底位置係紅色既...唔係其他鞋底用黑色...
顧生好鐘意幼跟高爭鞋 + 紅色鞋底...
(其實我都鐘意..不過成日懶...返工同出街都係平底鞋)
佢見到對鞋之後話呢對鞋好Hot好sexy...(係對鞋唔係我)

雖然對鞋著上腳真係有少少大...不過加左鞋墊岩岩好

Dig it so much!

----------------------------------------------------------------------

其實佢仲有其他色...等我遲D考慮下買其他色for big day先