Happy belated birthday to me - 結婚用品@筍崗

終於講到我地個神秘任務...就係去筍崗買結婚用品啦..

筍崗對我黎講唔陌生...細細個跟爸爸媽媽去買傢私....大個又跟顧生同佢爸爸媽媽去買傢私..
不過我只知道筍崗有好多好多好多傢私鋪....買結婚用品係之後要籌備結婚既時候先知..
同顧生食完Lunch....知道位置唔太遠..再飛的過去...
其實如果大家經羅湖過關...過關後坐的士到筍崗...都係$30以內...車程大約15分鐘...
唔洗等巴士....落車唔洗再搵路..唔貴又方便

而網上面最多人推介既係 筍崗文具玩具禮品批發市場裡面既 - 鵬鵬
Address: 文具玩具批發市場 2065號鋪

and

百合隆文具玩具工藝品批發市場裡面既 - 立興
Address: 百合隆批發市場 一樓大廳102號舖

其實 "百合隆" 同 "筍崗" 呢兩個批發市場加加埋埋有十幾間舖賣嫁娶用品...
只不過立興 同 鵬鵬比較出名..同埋多香港人幫襯...如果你時間充足不彷周圍睇下..
不過我果陣去唔想煩一次過係立興買晒所有野!   (聽說鵬鵬款式較少)

先睇睇立興外觀...立興並唔係有三面牆既鋪頭...而係類似我地香港花園街果d灘檔...
麻雀雖少..但五藏俱全...

我出發之前無特別諗過需要買D咩...只知道見到需要就買...
因為我知道香港買到既都係大陸貨...而且幾乎肯定大陸買平過香港...
結果之後我行金都證實左我既講法...買既野一樣樣...不過貴過大陸..

返到香港拎戰利品影相.....睇下我買左D咩啦

cusion 連 Cover...

富貴花紋茶具..

富貴花紋碗碟連匙羹

囍字貼紙...

對聯...

上頭用品.....

睡衣...

褂鞋..

拖鞋...

囍字中國結...

出門雨傘...
我好鐘意呢把雨傘...因為出面見到好多都係紅色膠做把手...同埋太花巧...
我呢把簡單得黎把手係金色既....唔錯唔錯...
不過基於室內唔可以開遮既原因...所以影唔到佢既靚樣lu

紙杯...

利是封...

大家返大陸買野真係唔好怕羞...大陸買野既文化係要講價...唔同香港
唔理乜事講左先....係大陸又無人認得...做下婆仔無乜所謂
買咁多野原價$554...我同佢講554唔好意頭...我唔鐘意4字...$528啦....
老闆娘話$528唔得...最平$538....最多送多d利事封比你....
成交!!!  有著數...有著數

顧生係果種覺得果樣野值果個價錢就唔會去講價既人...
佢覺得我地買既野已經好抵...所以全程無幫過一句口......
佢對於我既講價能力同講價既藉口都目定口呆...
娶到個識慳錢既老婆係你福氣...你真係食米唔知米貴呀靚仔....

如果大家打算去買野真係極度suggest你地帶行理o急...
睇下我就知...帶左都唔夠用

影完相...放好d戰利品...食晚餐....我既生日之旅終於結束lu....
開心又充實....多謝顧生出錢又出力


Bye