係籌備婚禮咁重要既事上面....一個正常人都好容易會情緒波動...
訂呢樣book果樣...呢個又比幾張收據你...果個又比幾份小冊子你...
係搵一間最適合自已既公司之餘....recepit 呢d咁重要既文件你地又點安置佢地???
我自問不能接受"亂"呢個字出現....到時要乜都搵唔到...我驚我會發癲
早係籌備結婚初期我就買左d小幫手 - Schedule book, File 同 文件袋..
雖然我整野唔叻....不過我好鐘意將身邊既物品"個人化"...
例如: 我屋企條洗面毛巾比我狠下毒手繡左自已個名"Yuki"上去
又例如: 織比顧生既頸巾比我繡左佢個名:Simon"上去
加上為左滿足我既完美主義同埋令我可以係好煩既時候開心D..我決定搞搞佢地
Schedule book
本身無用開Schedule book既習慣...但係決定結婚之後發現好多野都要book日子去做..
如果唔記得左可能會搞到自已好麻煩...所以....
我對Schedule book無乜要求...我只要佢有個日子同有個框框比我寫下野就心滿意足...
只係個樣靚仔少少既都唔平...有卡通我又唔鐘意 (我份人無乜童真)...
最後把心一橫買左最平果本返屋企自已整靚佢....
最初果個封面已經晨早比我掉左...大家跳step直接睇制成品啦
整好個封面...再整個書簽咁既物體...拎d punch整靚d邊邊
Done!
第二樣係File..
封面當然係我地兩個既名啦
則邊位都唔會放過
裡面細分左唔同類型既資料...
最後係一個普通 (可以話係醜)既文件袋...
有時出街見到d覺得ok既鋪頭...我就會去拎人地d小冊子...到返屋企就放入呢個袋...
到要訂果陣就可以拎返出黎參詳下啦...亦因為呢個袋唔會拎出街見人...
所以外表唔討好 不打緊..
Before:
After:
呢個好簡單...我淨係整左我地個名上去...非常客易..
有齊上面三樣野....就會令所有野都變得好有系統...
同Wedding Planner開會...同唔同vendor傾野...帶埋佢地去會方便好多架...
就算d detail野自已唔記得都有本天書係身邊啦
No comments:
Post a Comment