Our tailor made invitation card~ 我們的專屬請帖~

為求婚禮大小事物盡量切合我地既wedding theme (Butterflies) & theme color (Silver & Pink)..
所以當初小妹係請帖設計上都落左不少功夫..
雖說係馬會擺酒係無請帖送既...不過當初知道左之後其實有心裡暗笑

無得送仲好....無得送可以自已design...仲要無人會話我徙錢..
-----------------------------------------------------------------------------------------------------------------------------

請帖封面印有自已設計既wedding logo...同我地結婚當日既backdrop & 回禮環保袋同出一轍~
因為我地唔想有太多唔同既logo...希望給予賓客統一既感覺...
珍珠粉紅色卡紙印上銀色logo...感覺非常sharp..
而銀色絲帶係加錢請請帖公司幫我地加上去既...令整個封面設計豐富起黎



打開請帖左邊係宴客既內容...
右邊設計左一個pocket位方便我擺放direction map, 餅卡 & 回禮利事
(試過幾次收到朋友既請帖...一打開...裡面所有野跌晒落地下...所以我堅持要有pocket位!)

另外pocket位都有做到少少design...有我同顧生既名 + 我地既wedding date...
因為做左同色凸字...低調得黎又特別

然後係我特地係淘寶搵人整既direction map...
(之前睇過其他b2b話係淘寶整野會整錯...因為始終香港同內地文化唔一樣...
所以我通常都會畫好圖+好detail解釋+不斷reconfirm...好彩so far 所有order都無整錯)

信封我地揀左銀色...原本四四方方既信封有d單調...
所以我拎左朋友特登係美國買比我既martha stewart puncher.....幫d信封裝扮一番...
雖然punch到手軟...不過真係好靚

請帖內頁...
有pocket位真係好好....一d都唔怕d野會跌出黎...而且睇落好乾淨簡潔..

餅卡方面....有部份係美心...有部份係Cova...(Cova餅卡要$300一張...痛到入肉)


將所有野放晒入信封之後就係時候要封口啦!
我地揀左火漆印去封信封口....之前有講過唔再多講lu...
有興趣可以click下面條link睇返
http://blog.yahoo.com/MrsCool/articles/610403/index

大部份信封都係我負責封口....不過顧生都有幫下手....算係咁!

市面上既label有分兩種: 佢幫你cut好晒位 or 一張過印完要自已cut..
而我就選擇左後者- 自已cut...因為位置大細可以自已決定...
平時我地收到既請帖上面大多數Guest name label都大大張...唔好睇又浪費~
反而自已cut可以慳到好多位出黎..

貼埋label上請帖....終於都搞掂la!

後面~


我地既一大堆請帖