DIY - 我的人情箱

上一個post..我DIY既人情箱已經曝光了...
所以今次會講講佢既出生經過...

說真的...我一直都想為自已弄個人情箱...我很喜歡DIY..
亦享受由無變有...由醜變靚既制作過程..
不過....係我準備婚禮之前...我完完全全係溶膠槍&膠花既門外漢..
連最基本既紙箱...我亦上網..淘寶 + 行街搵左好耐先搵到岩心水...
(搵紙箱唔難...搵三個完全岩比例做人情箱既紙箱就勁難!)

然後最有趣既係...一開始準備結婚時已經想好要為自已整一個人情箱..
結果呢個人情箱係我結婚前3日先整好！差點以為自已要放棄了~

最後....只係用左一晚既時間就整好左....連我都俾自已既"神速"嚇一跳

-----------------------------------------------------------------------------------------------------

先俾大家睇睇人情箱既真身...
係三個岩比例既禮物盒...上面仲附有蝴蝶結...
可惜蝴蝶結無用....而且顏色完全唔match我既theme color....
要大執...大改造...

首先去除晒所有盒既蝴蝶結...
然後用printer print左d粉紅色紙...用黎幫個箱改頭換面...
(好處係: 唔洗錢! 快! 顏色可以隨自已決定..連去文具鋪既時間都節省埋...)

包盒之前..我已經用cutter係裡面開好晒d位....不過唔好意思..我唔記得影相
(不過下面有放左人情時影既內籠!)

包好之後係咁樣..不過當然唔夠靚啦!

我買左銀色硫酸纸...佢既特性係帶有珍珠色...而且半透明...會透到底色..


舖左硫酸纸上粉紅色紙上面之後就變成咁啦...變左珍珠粉紅色...即時高貴左唔少
然後放上朋友幫我地整既initial (Thanks dear)
加上lace花邊...珍珠等等...已經開始變靚

當時既檯面....亂到....

繼續decorate...

然後我發覺溶膠槍比我想象中易用

貼好晒珍珠之後..

銀色閃字係普通文具舖就買到...(silver + pink係我地既theme color)

痴上假花...(貼少少就可以了...太多會令人覺到俗氣)
貼上酒紅色絲帶...
然後係topping貼上兩隻蝴蝶..(我地既wedding theme)

Done!!!

呢張相係婚禮之後影既...
D 利事封無kick住係上層...全部落晒底...非常好


睇到成品既感覺真係好開心...好有滿足感...
由其當我見到好多親戚朋友舉起佢地既相機 / 手機影相既時候...
當然仲有顧生既讚賞...
令我覺得比溶膠槍係咁辣到都值得......