終於有時間打婚禮回顧..
其實仲有DIY, 婚後物資, vendor review etc. 想同大家分享...等我!
-----------------------------------------------------------------------
雖然結婚之前一個月開始已經忙到唔知自已做緊乜...
到最後一個星期更加係每日朝早7點訓...10點又彈起身做野...
不過我覺得最最最忙既係結婚前既一日.......11月28 (結婚當日另計)
我同顧生分頭行事...顧生首先去銀行整好所有周轉現金...
然後會合伴郎...兩個人call車...負責將所有婚禮物資分別送去酒店同馬場...
順便幫我check in埋酒店..
而我又係一朝早7點訓..10起身...
拖住個吉o急去旺角做gel甲 (如果太早整會阻住我做DIY)..
跟住落尖沙咀拎姊妹裙 + 裙褂...
(好彩其他禮服都係自已既....唔係一定拎死我..

去金都會合wedding planner後再落返旺角買野...
然後再去秋子拎花球..
(唔好以為好小野....拎完花球已經接近7點啦!!

連原本打算去做facial既時間都無埋....
同wedding planner飛的去酒店.....
成個人已經忙到痴晒線....又擔心緊買漏野...
結果仲遇到個無良司機!!!!
中間叫佢停一停車我地去買少少野...
佢一臉不滿咁問我地要等幾耐..答佢5分鐘以內..佢又口嗡嗡唔知講乜...
(呢5分鐘我無要佢白等...跳緊標收錢...)
上返車去酒店仲好笑...佢唔識路!!!
不斷問我沙田 Hyatt Regency係邊度?!?!
然後扮記得..不斷自言自語自已上次車過個鬼佬去..不斷兜圈..
最後都係搵唔到路...去左酒店對面山 - 中文大學叫我地落車!!!!!!!!!!
比錢買難受去唔到目的地不特止....
仲要俾錢佢唔想找!! 同我講乜野要收行理費之類既廢話...
但係計埋行理費佢都要找錢比我囉....

我同佢講:我都未話你不斷兜路啦..佢仲可以厚顏無耻對住我笑...你老闆!!
如果唔係媽咪話做喜事唔好同人地鬧交...以我性格一早開左佢波..
其實我邊有咁易放過佢....一落車就記底左佢既車牌no.
打算結完婚第二日打去投訴...不過好衰唔衰比我唔小心delete左record!!

同wedding planner兩個人..一個拖住勁重行理o急..一個捧住勁大盒鮮花..
係中文大學半山行返去酒店~~

我地其中一位兄弟係酒店到做....一見到我即刻叫bell boy幫手拎野..
仲同我講幫我upgrade左間靚房...心情即時好返好多

上到房....見到房間號碼...waoo...so nice!!!

待續...
No comments:
Post a Comment