Pre-wedding @ 上海 - Day 2 影相日 (上)

一朝早訓醒同顧生兩個人又去返吳苑餅家食早餐...平靚正之選

食飽行返酒店...去到lobby等lift既時候見到有個靚女拖住個行李箱..
同我地一齊入lift...一齊出lift..仲同我地一齊行去我同顧生間房...
我仲心諗: 唔通double sell?? (酒店時有發生...有時陰差陽錯..賣左住緊人既房比第二個客)
不過呢個時候聰明既顧生已經問: 你是化妝師嗎??
靚女姐姐即刻微笑點頭...哈哈...實在太岩！
(因為Tony既package唔包任何衫...所以換衫+化妝都係o係自已房度搞掂唔洗去Studio)

 其實我好鐘意睇靚女..見到靚靚化妝師就不斷聊人地傾計.. (顧生都話我成日gup女)
不過傾下傾下感覺上好快就化完妝...(其實delay左!)
而顧生就係廳到同Tony傾計...就係呢個時候..我地發現有原來Tony都係上海人
What an amazing morning?!

等到我同顧生都ready晒之後我地就出發啦...車已經係酒店樓下等緊...
上到車見到有兩位叔叔呀姨坐左係架車度....原來係Tony既上海親戚...
Tony既上海pre wedding團隊終於解開！
陣容首先有我同顧生兩位主角、攝影師Tony、靚靚化妝師一位、
Tony既兩位叔叔呀姨親戚做司機+助手...當然仲有佢地既車一部！

一行6人浩浩蕩蕩...經過一個鐘有多既車程..終於黎到近郊既上海車墩影城..
呢度真係好大好靚....仲有好多好熟面口既場景....

入到去真係超級興奮...我夢寐以求既懷舊中國風pre-wedding黎啦~~~

待續~ (好快!!)