Pre-wedding @ 上海 - Day 1 出發篇

我同顧生呢兩條可憐蟲...差不多每一次去旅行之前一晚都係返night shift..(零晨12點放工)
每一次都係收工返屋企 -> 執行理 -> 出機場 (即係唔洗訓)
今次都唔例外..兩條友拖住疲倦既身驅去機場...check in完...準備上機....
然後發現原定8:20起飛既飛機delay左1個鐘有多....
(之前坐CX 飛機delay有breakfast coupon...香港航空無都算...大不了自已買...)
最差係9:30 "終於'上到飛機...架飛機係跑道不斷係咁兜圈都唔起飛！！！
最後...原本10:45 landing上海既飛機....10:45先起飛離開香港
打算起飛之後可以休息下...點知..唔知邊位空姐佢英文、國語連廣東話都講唔準..
不斷係度做廣播！而且異常大聲！ 越聽我就越燥底！
佢把聲既煩厭程度就好似你臨訓著前一刻...樓上開始鑽牆咁
(其實上機既時候...見到有位空姐同我打招呼...原來係中學同學....世界真細...
當我聽到那位啊姑做廣播既時候..我係非常想同我果位中學同學講:
你可唔可以叫裡面做緊broadcasting位呀姑收o爹?!)
不過...我死忍！死忍！死忍！ 終於忍到落機...%$#$^(&*$%@^
Really unpleasant flight!!



飛機land係上海浦東機場...離我地住既地方一d都唔近...最初搭地鐵...
搭路成個鐘都未到...我同顧生已經眼訓到極點....最後諗住: 反正到左都係要行..
所以提早左幾個站落車轉搭的士 (Oh...i need u taxi)


搭的士好快進入靜安區...熟悉既感覺 (雖然路都唔識多條)

我地間酒店好方便...隔離有間全家便利店

Lobby...
其實間酒店唔錯...夠新又夠大...只係鏡頭所見果位上海姑娘同佢班同事態度麻麻...
係咁傾計唔理客...唔知以為佢地講緊工事....可惜我同顧生都識聽識講上海話

係門口企左位伯伯...應該係bell boy...Oh! bell man先岩...佢好好人...好nice架...


lift lobby...

一入到房就有個細細廚房位.. 
 

有微波爐..同比一般酒店大既雪櫃

行入d有個大衣櫃...
我將所有衫同禮服掉晒入去...關門~~um...眼不見為乾淨！

洗手間...好乾淨..very good!

 

酒店裡面有個休息區真係不能不提...事關佢個裡面個咖啡機整既咖啡好好味架

同顧生一入到房已經累到不行....見到張床如見救星...不過成朝無啖好食...點都要醫下肚先...

出發之前做左少少功課...上網睇人地話我地酒店附近有兩間餐廳唔錯...
泰國料理係正酒店對面...而步行去吳苑餅家都只係7、8分鐘...
所以同顧生一致決定先去吳苑餅家食lunch...然後返房訓覺...訓醒再去食泰菜

初初聽吳苑餅家呢個名...以為呢間野真係只有餅賣...不過坐底後發現原來有好多野食...
仲又平又好味添....我同顧生一定係好肚餓...所以叫到成檯都係野食..

食左咁多野都係RMB$50左右咋！

返到房咁岩Tony打黎...夾好第二日影相既時間...我地都係時候眠一眠...

訓醒我地就行去酒店對面食泰菜...
呢間餐廳氣氛唔錯...有分室內同室外...
當日既氣溫唔太熱...所以我地揀左坐室外...

餐廳食客都以外國人為主...可能近酒店.....

佈置都做得唔錯...


不過！佢d野貴得黎...好難食！！！

辣而無味！
(我好鐘意食辣野...而且都幾食得辣....不過...辣還辣..辣得黎無味我都唔知點食?!)

無味!

勁酸！

食完之後我明白左幾樣野.......
1. 點解呢間野要開係酒店對面 - - - 因為做酒店客先有得生存....如果做熟客既話一定拍烏蠅...
2. 點解大部份話好食既都係外國人 (差不多全部既good comment都係英文) - - -因為佢地唔識食！
3. 點解價錢會咁貴 - - - 因為知return guest少...所以開天殺價去圍返個成本...

呢餐飯...就係大家見到呢三個送....加一支啤酒....食左RMB$3XX....
A u kidding me??? 
我情願留返d錢返香港去佐敦食三妹嘜開心好多......
呢個故事教訓我地...返大陸都係食中菜最有信心保證！

食完返酒店沖涼訓覺...準備第二朝既photo shooting