Pre-wedding @ 上海 - Day 2 影相日 (下)

再黎下集

入到車墩影城之後我地就將自已部相機交比靚靚化妝師幫我地影花絮...
只可惜去到下午已經無晒電...所以影唔到夜景既花絮

如果大家想睇我地上海既婚紗相成品就要add我啦....因為同台灣果次一樣....
只有關注左既blog友先會睇到

----------------------------------------------------------------------------------------------------------------
多圖少字懶得就懶

車墩影城占地非常非常之大....主要大路會有我前面"類似"叮叮車行駛..
我當時就想上車影相...但可惜司機哥哥眼尾都無望過我地...個樣又惡...車又開得快.....

周圍都係呢d舊上海建築~~

第一套 - 婚紗
中袖lace款...好懷舊feel






第二站係城堡..



只可惜入到去有人set緊場景拍戲...所以無影到就要走...


咁唯有去另一個城堡..

城堡內景~

圖片裡面有我同顧生..Tony仲有Tony既Auntie uncle...
Tony既Auntie uncle好好人...好幫得手架....不斷幫我整裙擺同拋頭紗

我超愛呢條頭紗 (Tony提供)....好飄逸既感覺....據Tony講係特登係美國買..所以先有咁軟...


之後就去換衫...
圖中就係我地當日用既7人車....車後面果d就係化妝換衫用既房啦....


換完衫繼續影相...




周圍太多靚景...令人目不暇給~~




沿路仲有大型道具...例如下面既道具一: 人力車....不過勁斜...坐都坐唔到...哈哈

好驚...唔知個道具會唔會散

趁Tony較緊相機我又無時停..

合照合照....

發現有人拍緊戲...不過唔知咩明星~


道具二:
門口有臨時演員....不過唔係shooting緊...所以...

Tony就把握機會叫我同顧生企埋去...哈哈~ Nice Shot!! 好似真既一樣~

手牽手　一步兩步三步四步　望著天~~


我地利害既道具三...古董老爺車


Tony話我地今日好好彩...因為d道具唔係成日有...我地今日遇到3次既道具佢之前影都無見過

玩得好開心....不過我唔記得帶拖鞋...對腳已經累到覺得唔屬於自已....
好彩Tony auntie好細心有準備~~

ps. 後來拎相時Tony同我地講....如果再遲一日去影就會見到黃曉明啦~~~
好彩我唔係黃曉明迷...如果唔係真係dum心口...哈哈

仲有好多精彩既相會係"婚紗相分享"同大家Share....不過會set private唷

Sweet man ♥

我老公 - 顧生...
除左份人比較free style之外...無可否認佢真係好sweet....
好脾氣、浪漫又會同我一齊being kai...

今朝6點比鬧鐘嘈醒就發現顧生唔知幾時開始一直托住頭望住我等我起身...
不過我實在太眼訓...無理到佢..熄左鬧鐘繼續訓...
再訓多半個鐘...發現老公唔見左....
落床開門出廳...見到原來有人整緊早餐比我食..

雖然一朝早食湯丸有點兒那個...不過係顧生自創既就點都要試試...又ok喎 
個火腿蛋芝司包更加係delicious...個包仲係岩岩好焗到脆


其實佢早幾日就已經整過一次早餐比我食...

顧生整既野其實好好味...可能係以前自已一個人係美國生活...乜都要靠自已既關系..

自從嫁左比顧生..一齊生活之後就睇到佢更多既優點...
佢好似乜都識...同我媽咪傾下種花、烹飪、養魚...同我爸爸傾下國際時事、金融....
同我朋友傾下化妝扮靚、旅遊....同同事傾下紅酒、茶道、去邊度食好野...
我發現佢乜都搭到咀...傾得埋...

仲有就係佢煮野好好味...好有天份..顧生埋怨奶奶一直唔俾佢入廚房..
唔係佢會整牛扒、羊扒、香草焗雞...仲有好多野比我食...
雖然未食到...但個心已經甜晒..哈哈..

Glad that i have such a sweet man~♥