紅豆 Pre-wedding @ 台灣 - Day 1 出發篇

5月27號朝早...裙拉褲甩拉住新買既"小桃紅"從屋企飛奔落樓下....跳上車..
經空姐朋友介紹...顧生叫左架8折的士...6點半到機場...美孚入沙田再出機場都係2xx左右...抵!

辦完登機手續...hea左一輪上機...8點15分準時起飛....台灣我又黎啦
(因為顧生想搭下高鐵..所以我地今次係飛去台北唔係台中...)

同顧生兩個人一整晚無訓到...大家前一晚都係返夜...放左工就返屋企沖涼..執行理..出門口...
顧生係飛機未起飛之前已經訓左..相反我竟然訓唔著 + 0 make up = 貞子出遊記
搞成咁都係因為我隔離果對年約35+既情侶 / 夫婦實在太令我不安...
____________________________________________________

女: (卡通聲) 寶貝呀...我地去台灣做乜好呀??
男: 你鐘意做乜就做乜啦...
女: (卡通聲) Eeeeeee.......好衰架....(啜啜啜啜...)
女: (卡通聲) 咁寶貝呀...我地去洗幾多錢好呀??
男: 你鐘意洗幾多就幾多啦...
女: (卡通聲) Eeeeeee......我錫晒你呀.....(啜啜啜啜...)
下刪一萬字...........
佢地全程就係我隔離強姦我耳仔...Landing左仲要拎部相機出黎錄影....
如果飛機能夠開窗...我絕對相信我會推佢地出去....
但係我可以做既只係將我畢生所學既"問候語"係我心裡面默默詛咒佢地..
(呢d係咩品種既人類??!! )
_____________________________________________________

飛機準時10點land台北桃園機場.....

到達機場之後好快搵到去桃園高鐵站既巴士: 統聯客運 705號
統聯客運需要係桃園機場第二航廈買票同上車..
從機場到高鐵站既車程大約15-20分鐘, 車費為: NT$30一個人...
以下係出發前我搵到705號巴士既行車時間表...大概每15分鐘一班...好方便架



到達桃園高鐵站.....好快就買到飛上高鐵...

台灣高鐵website: http://www.thsrc.com.tw/tc/?lc=tc
大家只需要入返資料...佢就可以話比你知...
你到達高鐵果段時間幾時會有車...幾時到達目的地...票價係幾多...非常方便!



唔講大家唔知....台中高鐵站當地人又稱為 "烏日站"...
當初做功課係黎客商旅個website見到佢地叫人係高鐵烏日站落車...
不過我係高鐵個website反轉再反轉都搵唔到"烏日站"呢三個字...
R爆左個頭之後打電話比黎客...佢地先解釋比我聽...
所以 "台中站" 同 "烏日站" 係同一個站... 即係我地香港人叫通菜街做女人街咁???

根據黎客資料...係台中高鐵站去黎客飯店係有三種方法:
1. 轉搭高鐵快捷公車~免費接駁, 到僑光科大站下車, 到站步行時間約5分鐘.
(不過我Check 過Google map...google map話行路要半個鐘..差好遠喎大佬!)

2. 轉搭公車 - 仁友客運125號 , 到逢甲大學站下車，步行約5分鐘可達飯店。

3. 轉搭的士, 的士大約$250 - $280NT, 10分鐘內到達

我揀乜??? 成晚無訓過...當然揀3搭的士啦....
我地搵到架7人車款的士...又大又舒服...大約10-15分鐘就到左酒店啦....

不過早到唔代表可以早入房...黎客入住時間為下午3點...
我地1點幾已經辦好入住手續不過要等房....已經接近30個鐘無訓既我真係好想死
顧生見仲有差唔多兩個鐘要等..就提議去食d野...其實我地都唔想食野...邊度都唔想去....
我淨係想訓覺....一諗到3點拎房...5點又去要去紅豆溝通...唔知搞到幾耐先有得訓我就好有撞牆既衝動...
因為顧生知我棟係度乾等好易會發癲....所以拉左我去附近一間餐廳食咖哩飯....
唉...我又唔鐘意食咖哩...又唔鐘意食飯...又好眼訓...我吞住啖飯都訓得著(差D)...



食完飯顧生見我就黎死咁款就提議周圍行下....
原來酒店同逢甲夜市距離好近(當然果陣未開市)
行左個圈終於有房啦...T^T...我同顧生光速上左房.....開門..訓覺...

續！