裙褂 Confirmed - Red Wedding

想出返台灣同上海pre-wedding既 post...不過d相係顧生度未拎返..
所以都係出返去影相之前欠落既債吧...

話說潮拜完Cocoon之後...心知道要搵一件自已鐘意又貼身既裙褂真係唔太易...
同埋距離大日子只有半年...係時候要o的起心肝去訂啦...

某日放左工去TST行婚紗街...發現有得租潮褂既舖頭唔多..而且仲要無得free trial??
無錯...係一件都無...例如: Victoria啦...裡面原本都只係有三,四件潮褂....都已經無乜選擇可言...
仲要冷冷淡淡打量左我一野..然後同我講無得free trial...試掛要收$200一件....
..小姐..我自已一個人行..唔代表我運吉...free trial都無..我點知你果幾件褂會唔會最後無一件岩我呢?而且我都未租你既態度已經咁"好"...唔走都對唔住自已啦...

-----------------------------------------------------------------------------------

鏡頭一轉...我已經搵到另外一間有得租潮褂既舖頭 - Red Wedding

Address: 尖沙咀金巴利道50號地庫
Website: http://redwedding.com.hk/

入到去即刻有位姨姨問我想睇咩? 話左佢知佢就帶我去電腦前面坐定定睇相...
(果度有好多唔同款既潮褂..如果無記錯最少有20款)
睇岩自已寫底no. 然後佢再check我big day果日件褂有無比人租到..無佢就拎比我試啦..
(同Cocoon一樣做法) 不過佢既褂係完全free trial既...咁我就好放心咁試左4,5件...very good
最後我揀中左下面呢兩件...心大心細揀黎揀去都揀唔到..

左邊: 色彩好豐富..不過因為佢係側襟既關系...唔係好修到腰..但係我好鐘意條裙...
右邊: 色彩無咁多..不過我比較鐘意正襟..比較修腰..不過我覺得條裙無左邊咁靚... (呢款同Cocoon既12號十分相似)

Red wedding個姨姨提我如果屋企人比較傳統就唔好揀左邊果件...
因為佢膊頭位既鳳尾用左藍色...好多長輩覺得藍色唔吉利...(我聽過...)




跟住我就趁機會問埋佢究竟係以前側襟既裙掛係咪比二奶著?!
跟住姨姨話好多人都誤會左...其實正襟或側襟只係個人喜好...唔係用黎分妻妾..
如果以前既人娶妾侍...佢既裙褂係粉紅色架....(哦!原來係咁...)

不過傾完一大輪我都係揀唔到..所以姨姨suggest我比住$200做deposit..
佢幫我影相 (要比左deposit先可以影相!)...一個星期內話佢知揀邊件...而佢就暫時兩件都幫我hold住..
聽落都覺得合理..不過我份人好保險...我之前無研究過Red Wedding口碑如何...
所以啦啦聲打電話比我wedding planner問下佢意見..WP話so far未聽話Red wedding有咩問題..
而且200都ok..叫我如果鐘意就比錢hold住先...
就係咁..係一個無乜準備既情況下..我就hold左兩件裙掛啦...

 

隔左幾日顧生同我一齊去再睇下果兩件褂....點知顧生都同我一樣...鐘意右邊件衫+左邊既裙..omg...
不過諗左陣顧生就叫我租右邊果套..原因係件衫靚d同修腰d...跟住佢安慰我話條裙係花都唔錯呀..花開富貴呀嘛...
比佢講一講..又覺得真係喎..又真係好似有d意思喎...哈哈哈
就係咁...就租左右邊果件啦....

係Red wedding租褂係包埋頭飾既..我唔知到時會唔會用得著..不過係一個唔錯既offer...
另外我最鐘意佢話係我婚期前兩個月...我可以再去睇睇佢地有無返新款...如果我鐘意又有期..
係可以免費轉款一次既...有得揀始終比無得揀好.....