Cocoon潮褂真係聽得多...等我行使下新娘子既權利...睇下佢底到有幾大魔力
Cocoon
地址: 中環 雲咸街 46-48號 雲明行 3樓
電話: 2577 2122
Wedsite: http://www.cocoonbridal.com
Email: info@cocoonbridal.com
仲清楚記得我地去Cocoon當日落大雨...
我著錯左對麂皮鞋...加上我同顧生呢兩個九龍人出到香港區要搵路...
仲有中環d路上落不平...結果我對鞋就比呢場雨KO左.........掉左
呢個故事教訓我地落雨唔好去中環 T___T"
唔知點樣兜黎兜去...終於比我地搵到雲明行!
上到去兩條友已經濕晒...搞完一大輪終於可以坐底揀裙褂.
Serve我地既有Sugar同呀朗...佢地比左個ipad同紙筆比我...睇岩寫底no.然後佢地再拎比我試.
End up我試左15同29兩件 (Cocoon free trial 兩件 only).
一件太大...另一件個領口位同"加拿大"位置太窄....
雖然睇得出Cocoon裙褂既手工真係好靚...不過因為Cocoon所有裙褂都係依照傳統...
用一塊布去整...中間無剪接位...所以係唔可以改大細...
顧生叫我鐘意就租...我知你錫我...不過我唔會拎$3xxx出黎去租一件我著得唔舒服既衫...
所以我地就離開左啦...
離開既時候我有諗過好唔好租左先...後來我發覺我唔租Cocoon既決定係明智既..
因為Cocoon拎"跟傳統—樣一塊布過去整裙褂" 呢個gimmick...
其實係佢最差既地方...件褂一塊布過無袖位...成件衫已經唔貼身...
我試既時候就成日有D位會凸起身....一塊布對我黎講根本就無乜意義...一塊布又點??
比邊個睇??得自已睇到....其他人唔會有閒情逸致去研究你件裙褂係咪一塊布過...
反而件褂可以跟返自已身型去修改先可以最特出新娘子既body shape...
如果真係要租Cocoon都只會係因為佢既手工好而唔會係"一塊布"
我覺得佢D褂既手工真係好靚D色好鮮....
與Cocoon無緣...即時省返3千幾
去完Cocoon潮拜...出發去食有名既九記牛腩...
跟住打算去永信睇下有無紙岩我整Bridesmaid Card...
結果...九記牛腩不外如是...永信關左門....
可惡既下雨天!!
)
.....
)
