就會同魔鬼
講: 懶啦..懶啦..我睇下你遲D追post要追幾耐...
that why我依家係度....其實好想記底婚禮大小事...第時得閒開黎睇下都幾過癮...只係有呢份恆心唔容易
-------------------------------------------------------------------------------------------------------------
終於打到終極篇.....
就係我地睇完The Marquee之後無幾日..我地就搵到大家既dream place...
我知道有好多新人日日走去睇場...睇左十幾廿次都未有決定....我慶幸自已好快搵到自已既dream place
登登登登.....
就係我地睇完The Marquee之後無幾日..我地就搵到大家既dream place...
我知道有好多新人日日走去睇場...睇左十幾廿次都未有決定....我慶幸自已好快搵到自已既dream place
登登登登.....
沙田馬場 - JC BOX
我發覺網上面對JC box既介紹&相都唔多....唔知係咪自已問題,,,所以等我post多D相同大家happy share下
JC Box 位於沙田馬場會員正門入口....平時無乜閒雜人會入到去..big day果日更加唔會有....正
入左去要搭一少段扶手梯..行多段路仔....再上多層
.....(其實唔係行好遠....
)
上完樓梯就會見到JC Box啦
.......好典雅既大門
好寬敞既reception...
過左reception有條hallway....左邊可以整photo gallery
(另外無影相...佢有男女toilet係hallway附近唔洗走黎走去好方便
)
過左Hallway去到戲肉 ....
無柱位
...好多電視...好光猛
JC box又有人叫佢做玻璃屋....真係好多玻璃....好簡單..elegant~
個場裡面D電視機仲多過豐澤....我地果晚肯定無處不在....返到屋企發夢都見到我地
天花係玻璃窗
JC box後面有個露台...
右邊有度門...
出左露台之後...後面係觀景台同D VIP rooms...
左邊景觀
右邊景觀
右邊景觀
離遠影返過露台....唔算大....不過係度飲下cocktail都幾梳乎
新娘房....唔係新娘房咁簡單....佢既個新娘房係大大個Offical Lounge
-Offical Lounge裡面有好大個廳....有好大個地方擺野....擺幾多都唔成問題....
-D兄弟姊妹可以係度休息....討論同做準備.....無問題
- 裡面有兩間房...可以顧生同我一人一間
- 兩個toilet..(如果我無記錯
)- 仲有部電視可以直播宴JC box裡面情況.....等我換完衫坐出黎一路補妝一路gup下d人做緊乜先
JC Box對出就係麻雀區....近近地但係又唔會嘈到裡面
麻雀區到時會間partition...都放到10台麻雀.....發財埋邊啦喂
麻雀區對面係露天位置....我會set做食煙區...
食煙區...花花草草...仲有D野望下
....D煙味唔會比唔食煙既人(如我
)聞到啦
....D煙味唔會比唔食煙既人(如我)聞到啦
四通八達
後記...
我地前後去過兩次JC Box睇場....
第一次係我同顧生兩個去睇下個場岩唔岩我地...Sales帶我地睇...
第二次...已經訂左...係帶埋wedding planner去睇....banquet同事帶我地睇..
.
software....兩次都比到我地好好既感覺....有禮貌....有效率.....覆email好快...盡可能滿足我地要求...
hardware....聽講JC box之前翻新過....睇落都好新淨....地方乾淨....不過係第二次去既時候 (即係大家睇到既呢輯相)
我見到個場裡面有師父整緊野....我隨便問左句D師父整緊咩....陪住我地既banquet同事話佢地整緊D更新工程....
雖然好廣泛....但係比我覺得佢地好有心去manage佢地既資源....唔似得其他地方...壞又唔理爛又唔跟....加分!
後來我再發現有個朋友仔以前係JC Box做過...佢話我知JC box既server多數都係長工...唔係臨時請返黎抄散...
加上佢地好多時serve開既都係馬會既會員所以態度呢D問題可以放心....再聽到周圍D去過食野既auntie話佢地D野好好味...
真係放心晒....我同顧生睇禮貌呢樣野睇得好重...我MUA話我知佢曾經係某一間酒店為一位新娘子化妝....d server睇唔起佢地...
對佢好無禮貌仲叫個攝影師做影相佬....我相信各位b2b都想結婚當日所有人都開開心心....
我絕對覺得當日為我地做野既人都需要獲得尊重...佢都開心做出黎D野都靚d.....如果以我性格比我發現有害群之馬...我肯定同佢死過
最後最後....各位可能唔知....因為馬會係非牟利機構...當晚佢地所有員工係唔收得利事架 (Contract寫到明)....慳返
又如果...各位有親戚朋友係馬會度工作 (宴會部同非長約員工唔計) 佢地可以幫你簽張form....全場免收加一....即時慳返萬幾兩萬蚊架
.馬會唯一既唔好處就係佢逢跑馬日就唔會接event...但係佢好多跑馬日都係星期六日...所以有興趣既朋友你地要諗下d日子啦...
完!
Halo, 之前有參考過妳呢個BLOG, 因為我都係O係JC BOX擺...
ReplyDelete上星期五終於搞掂... 感覺非常良好, 想俾個信心妳~*
我O地冇揀錯埸地... 10粒星!!!
[版主回覆11/05/2012 19:16:30]Hello Iris
多謝你咁有心呀！祝你新婚快樂
其實我自己都覺得JC Box好唔錯！無論硬件或軟件！
不過最近跟開我wedding個sales 轉左去跟corporate客(應該算升左職）
馬會比左個新sales我，新手！見面搞到有d唔開心！
不過希望當日一切順利吧！
Halo Yuki…
ReplyDelete跟開妳嘅係邊位?? 我之前大部份係carol ho跟，後期就交咗俾sabrina chan… sabrina係新同事，有好多問題佢都解答唔到… 不過佢都會問咗之後覆番我嘅~ 而當晚都係carol嚟assist咗一陣…
當晚有個catering嘅同事(sasa)跟足全程，由落去頭馬果度影相，換衫時間，飲水，食嘢都有佢幫手… 真係好被受重視… 而av有另一個同事負責(阿miu)，佢係成晚event嘅靈魂…所有音響，播片，燈光，流程都係佢負責…
揀到呢度擺酒，真係冇錯!!!
[版主回覆11/22/2012 23:36:30]aiya...對唔住呀Iris...我岩岩無意中先發現原來你留左comment比我...Yahoo mail無通知我囉
我之前個sales係Desmond....依家果位叫Vivian....我希望我都可以同你一樣順順利利....另外我想問你去頭馬果度影相係咪book左馬仔??
冇book馬仔呀... 同馬影相係要去雙魚河果度... 唔係O係馬場入面O架...
ReplyDelete我聽D朋友講, 4點到仲有馬O係亮相圈度行, 佢O地影到... 你到時可以問下幫你手果位同事可唔可以搵個位影... (因為5點就唔會再有馬行... 要趁早呀... 我就係因為換衫... 落到去已經5半, 天又黑, 影得幾張拉頭馬果度ONLY... 好後悔...) (最好就係去到快著婚紗, 趕O係4半前落去影... 而家好早天黑... 我真係好後悔, 所以都希望妳CATCH到呢個機會...)
果度真係有好多地方值得影相, 不過我果日都有幾多意外, 漏左電腦線, 買左線之後又壞電腦,
搞左一輪... 所以又冇O係亮相圈影, 又冇O係玻璃外個平台影... CATCH TIME!!!!
呀... 佢地會預備D SPARE O既馬會利是封俾賓客... 我冇搵O的姊妹幫我留起做留念... 唔知可唔可以麻煩妳O既姊妹KEEP 10個, 寄俾我, 到付丫... many many many thanks... 哈哈...
[版主回覆11/24/2012 00:37:23]hehee...我呢次醒啦...特登睇下你有無留言比我..yahoo mail依然無動靜
睇到你咁講我真係灰灰地....因為我29號果日9:00 - 13:00都唔係吉時...媽咪話一定要過13:00先可以出門....搞到我後面d時間好趕...根據我依家個rundown...16:30先離開男家出發去馬會.....到時去到乜都無得影....
另外要自已準備電腦線?? 你d歌用電腦呀?? 利是封果度我留意下先...如果我見到幫你留起佢
仲有呀...馬會contract咪寫到明唔收tips既?!....你當晚係咪真係一封都無比呀???
我同我男朋友有小小唔放心.....
噢… 噉我建議妳去到即時著迎賓套裙喇!! 我果日其實4點就到馬場，我當晚嘅schedule係噉…
ReplyDelete4:30 到馬場，換婚紗
5:45 外影
6:15 切餅
6:30 換迎賓裙
7:30 迎賓
8:00 換婚紗
8:30 march in + thank you speech
同枱食嘢
9:00 換敬酒裙
9:30 玩小遊戲
10:00 換送客裙
10:30 同親友影相
11:00 門口送客
要注意個台唔係好大，其實可以話細…同一時間企唔到太多人…我公司同事們都要分3排企+蹲…
另，當日真係冇派利是，不過service非常好!!!
我啲朋友話紅酒好好飲，佢哋唔知係我哋個package係無限量供應紅白餐酒，唔係會勁飲噉話喎…
馬會同事好細心，經常會問我要唔要水，又拎蛋糕俾我食，仲會幫忙換衫，提幾點幾點要做咩，佢哋仲將我哋冇食到嘅菜獨立pack起，俾我哋帶番屋企食…呢個好意外!!!
當日因為我哋要敬好多茶，所以有親朋係冇影到相，好唔好意思…建議真係要預多啲時間影相，如果屋企人ok的話，建議送客都用嚟喺台影相…送客有屋企人，兄弟姊妹幫忙，但影唔晒相，朋友記一世… 呢個都係我有遺憾嘅地方…
你哋run down有冇俾vivian睇過?? 佢哋可以俾意見…
呀~ 上菜預10~15分鐘一道~ 如果有啲枱係全枱都熟的話，可建議唔洗分碟上，可以熱食…
妳擺幾多圍??
[版主回覆11/24/2012 03:28:36]其實我個schedule係一去到就換迎賓。其他既同你都差唔多。
不過我想問你介唔介意話我知你幾時book馬會同用邊個menu? 因為我係11年頭book....揀"Pearl:我個package只係"每席敬贈精選紅酒乙瓶" & "席間無限量供應本會啤酒,汽水及橙汁" ...
其實我對馬會service有信心既...因為本身有朋友係JC Box做過...知通佢地多數都係長工而且又serve開馬會member...你果晚d送好無食同夠唔夠熱?
10~15分鐘一道菜算唔算慢?? 我唔想玩小遊戲...但係如果上菜上得慢唔玩遊戲我怕悶