我的Big Day 證婚律師

我同顧生本身無特別宗教信仰......無打算要行教堂....
亦無打算係婚姻註冊處度註冊.....
一黎...我地big day係平日....一早註冊好多人會黎唔到....
二黎...係婚姻註冊處度註冊...每對新人得15分鐘....比人趕住去註冊...又比人趕住走..
係d咁緊張既日子...再比人催我走....我唔敢擔保我會唔會爆...
所以我同顧生一致決定...要請律師到場證婚

其實對律師呢家野真係無咩心得..但係我自已做服務業...睇Service睇得好重..
最重要個律師有禮貌...仲要有律師既專業操守,,守時...講野要清楚!
同埋正正常常就ok,,,千其唔好長篇大論...又山又水...又花又草..又鳥又蝶..懶浪漫咁發表偉論..
唔需要講野抑揚頓挫...更加唔好講笑話引我d guest笑...
我們只需要一個簡單,典雅,莊嚴既證婚

當時我請我wedding planner比D律師資料我自已揀....佢就比左香港top 10律師我..
wedding planner問洗唔洗幫我打去問quotation...我同佢講唔洗啦...我自已黎啦...
點解唔叫WP幫我??因為我想自已親自打去聽下佢地d態度!!!
既然個個都未見到...唔知對方好唔好...係度比錢賭一鋪....我情願自已了解下..

我續個續個電話打去聽下對方既語氣...態度...
需然有d唔係律師本人聽電話...係佢地既秘書...但係我相信一個好律師係唔會容忍到佢下屬差...
聽下d 秘書姐姐講野態度...help唔helpful...就知平時佢上司係點train佢......
加上我覺得身為一個榜上有名既律師...即好多人搵啦....即係會忙啦...
佢肯定會將大部份工作交比佢秘書做...如果個秘書姐姐衰聲...
我亦絕對唔放心將樣咁緊要既野交比佢地公司做! ...結果都有d發現...

榜上有名既律師有:

1. 鄭家富

2. 何廣榮
3. 姚定國
4. 徐志剛
5. 劉世民
6. 劉啟興
7. 黃國桐
8. 岑漢和
9. 舒志傑
10. 林志達

我自已係每個律師後面加左小小comment...不過我唔打係呢度....我份人怕死...唔想收律師信...
不過如果有b2b想要我可以send比佢既

-----------------------------------------------------------------------------
結果我係咁多位律師當中揀左 劉啟興 Richard Lau 律師...

劉啟興律師當日親自聽電話....好有禮貌...亦好有耐性解答我問題...
而且網上面無唔好既comment...無黑面..無遲到..etc...大部份話佢好好笑容
加上價錢ok...$3500(已包婚姻註冊處收費), 抵!

同顧生講我打到個岩既律師啦...顧生聽完都覺得唔錯..
我地就打比劉律師啦....劉律師話可以過數 or 可以上去佢office比...
我呢d咁保險既人緊係要上去見見佢真人表現如何啦...

結果我同顧生都好滿意...好nice...一d律師既架子都無...比人好舒服既感覺..
好有交帶...仲好細心搵個envelope幫我地裝住d receipt驚我地整唔見....
又問我地口唔口喝...洗唔洗飲水...
臨走仲想送我地出lift口....
不得了呀...哈哈
好放心交比劉律師.....又煩少樣