我們的女兒

                                                                  
                                                              

呢篇日記我希望多d人可以睇到..所以唔局限於朋友...而係公開既
--------------------------------------------------------------------------------------------------

前幾日同顧生食完飯...佢送我返屋企...入到屋比我見到有封信係檯面....

wa...開心到跳起..我日等夜等左四個月...終於有回音啦...
果種感覺我唔識形容...但係我係咁笑.......媽咪同顧生就係隔離望住我..
btw..點解個topic係我們的女兒而唔係我的女兒??因為我同顧生講...我既即係你既...(錢除外)...雖然係我出錢..但係小朋友你都有份..不過佢都唔係好明..哈哈....
------------------------------------------------------------------------------------------------

終於..我實現左我既願望...其實由唔知幾時開始我就想助養一個小朋友...
唔係外國而係中國...因為講真內地貧困既小朋友唔少..作為中國人..我覺得應該幫返自已人先...(我係咁...你吹咩)...但係我個人實在係太懶....我唔願去搵資料....
終於..今年4月..青海地震..係電視機前面幸福既我...見到佢地係幾咁慘...無野食..無水飲..間屋無左..訓邊度唔知...沖涼更加唔洗諗....好多小朋友失去左佢地既親人...但當有採訪隊問佢地最想要既係乜既時候,佢地話最想返學...我地生於富裕既社會..從來唔會諗呢d野發生係自已身上會點...無野食??傻啦...屋企無電無冷氣??我訓唔到架喎...當然..好多人都會咁諗...我都會.....
呢d小朋友係未來社會既棟樑..佢地唔應該生出黎就受苦...雖然...我唔敢講自已好偉大..而且一定唔係偉大果批...但係我覺得貧窮既人太多..自已一個人既能力太少..不過,如果每個人都出少少力...幫忙佢地脫貧都唔係無可能....

我助養既小朋友叫小昭...今年8歲...讀緊一年級...媽媽已經返左天堂..爸爸坐監(信裡面無講咩事,我亦唔會去過問)..依家小昭係由佢姑媽姑丈照顧(呢樣係比較安慰)..但係姑媽姑丈自已本身有小朋友...所以生活都唔好.....

今日放工比較早...行左幾間文具鋪想買d野比小昭...我希望同佢可以keep住書信來往..等我知道佢讀書點..食唔食得飽等等....

babe話我好似買野比自已個女咁...因為我揀左好耐...其實我真係好比心機揀...比返工有心機100倍...因為我希望我買既野佢都鐘意...其實一d都唔貴..只係小小心意..裡面有筆袋啦..鉛筆..顏色筆..擦膠..鉛筆刨..間尺...有本寫字簿..小小頭飾(女仔呀嗎)..仲有比佢寫信比我既信紙同信封...過幾日買埋郵票比佢..咁就可以寄啦!呢d野佢全部都有用...所以我真係無亂買野...

呢篇Blog我唔係想炫耀自已助養左個小朋友..而係想賣下廣告....
係助養小朋友之前..我上網/打電話問過好幾間比較有名既慈善機構...當中有:
聯合國兒童基金..
但係佢地無提供單對單助養兒童計劃...佢地係將人地損既錢收集埋..去到一個村落..幫d居民打下防役針..教佢地種野咁...從而整體改善佢地既生活...但係我覺得唔夠互動...唔知自已既錢比人用作咩用途....

宣明會..
主要係幫助外國兒童(同我理念唔一樣)...基督教組織..(唔好意思..我唔係冒犯..但係我真係唔多鐘意佢寫既野..我亦唔鐘意基督..而且仲有小小偏激...Sorry...如果你唔岩睇..bye bye..不過你都就睇完)...仲有最主要係佢會每個月係你損既錢裡面收唔少行政費...即係你損既錢..唔係全數用係小朋友身上.仲要少左好多.OUT!!!

無國界義工..
主要對象係中國赤貧兒童....無宗教信仰(i like)..仲有佢地Office做野既人都係義工...雖然做野可能無咁快..但係佢地每月收既行政費係$20..其他都用係有需要既人身上....而且因為主要對象係中國兒童...成本無去外國咁高...助養既費用少差唔多一半..慳埋慳埋養多個都唔過份啦...

希望小昭可以得到溫飽..有書讀..將來大個而自已有能力既話..可以去幫返其他有需要既人...希望所有貧困既小朋友都一樣...呢個世界一定更美好！

施比受更為有福~