關於我既禮服......

未知你地有無發現...其實除左裙褂...我無出過其他關於禮服既post...(顧生既除外)
其實事實既真相係...除左裙褂係租返黎之外...其餘所有禮服都係買既!

買禮服最主要既原因係 - 我覺得外面租既禮服太花巧!
個人而言..我並唔鐘意公主裙(Too cute for me)...
太多閃石(我唔係登台)..
Off shoulder(肩膊位唔夠纖細露肩唔好睇) ...
影婚紗相試過就算...無謂係自已既大日子將自已既短處暴露於人前~

睇過幾間婚紗店...禮服都係圍繞住我最唔鐘意果d原素去制作...
所以我決定唔再浪費時間...唔再行婚紗店...全力係網上搜羅我既禮服!!!
我所指既"網上"當然唔係淘寶果d只可以拎黎影pre wedding既裙...
我所指既係外國運黎香港 or tailor made既禮服!

我既The One..迎賓 & 送客禮服..都係上網買 / 度身訂造返黎既..
全部都好靚好鐘意..
而買呢三件禮服不單只仲平過租..最驚喜既係其中一件禮服仲係真既古董裙添!!!!
令到我呢個鐘意Vintage既人開心左好耐!

兩千幾禮服錢真係抵俾...買左係自已既唔洗還

等我做完assignments 再同大家逐件逐件分享..

我的裙褂

慶幸我當初無租Cocoon裙褂...(我應該係少數會咁講既新娘)

Cocoon潮褂係好出名而且裙褂造功好..Service唔差....
當初我都有行駛我B2B既權利慕名去試試... (Cocoon試褂記)
以為自已會租...可惜一試上身..以塊一布造成既褂根本唔修身...
再諗諗租Cocoon褂并唔便宜...HKD$3xxx....
加上店鋪地點唔方便...自已又唔係住香港區...
結婚前一日一定忙到癲..無可能山長水遠去到中環爬斜路拎褂...
婚後第二日累到傻出多次中環又爬長命斜還褂...
絕對無同錢&自已過唔去既理由...

以前公司係尖沙咀好多時放工都可以行去婚紗街睇睇...
睇過幾間唔係要俾試身費就係得零零丁丁幾件褂..
幸好最後俾我搵到Red wedding...(裙褂Confirmed - Red Wedding)

婚前一日去Red wedding拎褂...試試件衫有d鬆...
店裡面既姨姨唔洗10分鐘就幫我改好左...
揀埋頭飾就離開lu... (頭飾係租褂包既..以備不時之需..結果真係用得著!)


我呢件裙褂好新淨..好靚!


著上身好貼服..好精神...
裙尾既珠片會隨著我行路而擺動...閃下閃下


顧生話呢張相係佢講緊野既時候影..影得佢唔好睇...
不過我著住褂笑得好開心...因為佢話成副身家俾晒我..我好happy

我好鐘意我既裙掛...前面後面都好靚

Red wedding評分: *****  (5* 為最高分)

送客=D

終於由結婚前一晚上頭...寫到晚宴送客..
回顧雖然到尾聲..不過唔代表我既wedding post完結..
仲有vendor review, 裙掛禮服 & 婚後物資出售post未寫...各位b2b可以留意下
---------------------------------------------------------------------------------------------

婚禮當晚Tony將席間遊戲既時間掌握得好好...
玩完晒3個games 我就岩岩換好晚裝出黎..同來賓們影下相~


It's Jay again!! As u can see from my face...im sooooo happy!

同事們大合照...
慶幸我地既人緣唔錯...要請既都有出席..可以造就呢張咁正既合照!!

兄弟姊妹們另一令我感動位:
我同顧生結婚當日係星期四....所以當我同顧生仲比人拉住係臺上合照果陣已經有賓客需要離開...
眼睇住d客走但係無人送超級唔好意思...
但當我同顧生趕過去送客既時候我地先發現...原來所有兄弟姊妹已經企晒係hallway幫我地送緊客..
唔係hea住送...而係逐個逐個同d客揮手講bye bye...
佢地既熱情...完完全全溶化左d賓客...


從前我參加人地既婚禮...見到唔識既人同我講bye bye都係點頭微笑就算...
但係我地既賓客係會揮手同我地班兄弟姊妹講一句bye bye / 多謝!

我地所有既賓客都係笑住黎笑住走...

終於送完最後一位賓客...大家都不其然拍手歡呼..

小小既感謝詞多謝我地班兄弟姊妹...無你地..無今晚咁完美既婚禮!!


例牌


唔齊人既Group pic!  

哈哈...唔緊要啦!

2013.11.29過後..我同顧生正式成為Mr. & Mrs....攜手走向我地既未來!
Hubby...往後既日子請你多多指教!

席間遊戲3 - 登報賣廣告

終於黎到最後一個..又係我覺得最有心思既一個席間遊戲...就係賣廣告!!!!

話說Tony一早幫我地安排好係11月29日既東方日報落左段廣告....
而奶奶就提早幾日去樓下報灘預留定28份..到結婚當日兄弟幫我地拎...再帶入馬場..

而呢個遊戲既玩法好簡單...就係每一圍派一份報紙..然後鬥快搵出我地段廣告就為之贏!
就好係我之前所講...越簡單既遊戲越多人願意玩......

呢邊搵...

果邊又搵...


連風月版都唔放過...
(呢張相係我結完婚之後...同事間又拎黎笑左一輪...為呢位男同事留底左經典既一幕)

相睇唔到現場有幾震撼...不過video睇係全場摷緊報紙..場面異常壯觀


摷摷摷..


搵搵搵...

呢版真係睇到眼都盲...

終於!!! 俾我兩位小學同學搵到..

贏得一圍大利事!!


不過其他人仲摷緊究竟個廣告係邊度....好好笑!

我勁like呢個game! 有心思又夠cerative...

席間遊戲2

Game 2 - 最多情侶/夫婦

Game 2 同 Game 1 玩法一樣...就係Tony問: 邊檯有最多情侶 / 夫婦?!...
問題簡單直接...但正正因為易玩...所以連班長輩都玩埋一份..

不過長輩始終比較誠實...前面一檯姨媽舅父話有4 pairs...
後面我班小學同學個個未結婚又唔係同對方拍拖竟然話有6 pairs..

不過顧生班中學同學最勁!! 話有7 pairs!!!!
其實呢檯係坐多左兩個人...不過特出黎果兩個都係男人..


Tony話: 黎個濕吻就知真定假!!

此話一出..全場起哄!!

跟住兩位男主角...一個就豁出去...一個就被迫就範


情深的一吻

呢一檯Sweet爆既來賓得到既係 - 每人一Pack孖潤腸..