當顧生完成左佢個嘔心瀝血(佢自稱
)既世紀求婚之後...就開始到我十級嘔心瀝血地去籌備我地既婚禮
而籌備婚禮當然需要擇個吉日先啦
因為我媽咪比較傳統..結婚要擇日...如果淨係睇下日曆邊日宜嫁娶都事少...
我媽咪要拎晒我地兩個既八字....顧生屋企人生肖...加埋我屋企人生肖...
要揀D唔可以同我地兩位主角相沖...又唔可以同屋企人生肖相沖既日子...
唔可以農曆六月 (代表婚姻去到一半
) 七月啦 (鬼節
)...八月(呢個純粹個人喜好...我好怕熱
)又要果日吉時多...方便做D林林審審既野要擇吉時嘛....
又要唔可以係三娘煞....至於你問我咩係三娘煞...我都係一知半解...
媽咪話相傳月老唔幫三娘牽紅線...令到佢嫁唔出....所以基於報復心理....三娘會同月老作對....專門破壞喜事......
而每個月既初三、初七、十三、十八、廿二同埋廿七都係三娘煞.....不宜結婚
最恐佈既係....我係yahoo搵到三娘煞既info. .......
三娘煞在擇日上很多人認識，都知道不是好日子，擇吉時多有要求避忌，每個月有六日，分別為上旬初三與初七，中旬十三十八當，下旬廿二與廿七。點解三娘煞咁有驚嚇效果呢？因為佢有這幾句嚇死人冇命賠的詩文留存下來，大家留心的聽下：「作事求謀定不昌(做什麼事都不吉利的了)，迎親嫁娶無男女，孤兒寡婦不成雙(這兩句意思：除了冇仔生，仲會死了配偶，自己形單影隻。)，起屋庭前無人住，架屋未完先架喪（這兩句意思：起屋裝修呢，未完工就先死人辦喪事，住落呢人就越來越少，人丁單薄，子息凋零。），行船定必遭沉溺，上官赴任不還鄉（這兩句意思：出門呀，坐船沉船，坐機撞機，上任則會客死異鄉添。）」。
有興趣可以睇睇呢條link: http://www.wed853.com/show.aspx?id=1034&cid=303
其實我覺得上一輩既人做事點都會有佢既道理既...加上既然結婚係喜慶事....寧可信其有....心安理得啦....
要齊晒上面既條件....加上我同顧生都怕熱....最後一年十二個月得返兩個月可以揀
原本想揀星期五、六、日....不過媽咪話D日子又唔多好...End up揀左11月29 (星期四) 啦
星期四會唔會唔方便?? 其實我覺得如果要黎既親戚朋友係外國特登飛黎香港都會黎.....如果唔想黎既...住隔離都唔會到~~
世界上有好多事真係估佢唔到....到最後星期四呢個日子仲為我地帶左好多意想不到既方便添
No comments:
Post a Comment