屬於我的2月29

2月29....小妹我四年一次...異於常人...特別非常既生日...

hold住個post...玩完再update

擺酒場地 - 會所篇

 

睇左酒店同酒樓都唔岩我地之後....我就向會所呢個方向進發

第一站我地睇左

博藝會...
真係唔好意思....我無影到相....大家睇住呢張係佢offical website post 既相先...




博藝會位於黃埔....由Harbour Grand (九龍海逸君綽酒店) 一條直路行大約10分鐘就可以行到過去....
當初我同顧生就係去完Harbour Grand睇場就去睇博藝會...
去到博藝會頭兩分鐘都感覺良好.....周圍白雪雪...好elegant咁款....
突然....一個著住泳褲既Uncle係我地面前行過......我接受唔到囉!!

 

我接受唔到我結婚果日....好開心迎賓既時候....有著住泳衣既人係我面前出現...以我脾氣我一定會black face....對準目標人物啤爆佢
yea yea yea....我知道博藝會係Club house...我知佢有泳池同gym room...但係我唔expect佢會將結婚既人同游水做gym既人安排行同一係路!!!
Sorry...佢已經唔附合我結婚當晚唔可以有其他唔關事既人在場既條件..事實上我當時己經black face緊

入ballroom之前我發現隔離仲有其他ballroom...即係一晚可以多過一對新人結婚?? Noway...

入到ballroom...樓底好低...雖然佢website寫住 "可眺望浪漫碼頭景致" ....事實上都無乜特別...
可能真係要"眺望"到好遠...亦唔覺浪漫

心知我心..挑通眼眉既顧生好快咁睇左個ballroom一眼....我地就絕塵而去

-------------------------------------------------------------------------------------------------------------

The Marquee

其實我唔係好Sure The Marquee屬唔屬於會所...但係我諗應該唔係酒店or酒樓囉..so...anyway...

Marquee位於九龍灣國際展貿中心...係九龍灣地鐵站A出口...上德福廣場第二期(Ikea那邊)...行到尾落返樓下巴士站...有免費穿梭巴士..搭過去

Marquee係上年搵場地既時候無意發現...當時佢開左兩三個月...真係好新好靚..二話不說打去book時間睇場...






我仲Keep住左D brochure.....

The Marquee全個場地分左4 part
- Pre-function area 
  (我無影到相...不過個Pre-function area 長方形..好大...大到我諗放10台麻雀都應該無乜問題..)

- Marquee  
  (Marquee D 台布顏色分左四季...春:白..... 夏:紅..... 秋:紫 (我最愛既紫色)...... 冬: 銀....你鐘意邊隻色佢就會換比你..good)
  個場係我最鐘意既Marquee...白雪雪好靚......最正就係Marquee四邊既都係用玻璃門...好高貴feel...唔似得Harbour Plaza Metropolis個 The Patio咁..四邊用帆布...個feel即刻cheap晒...

- Outdoor Terrace 
  (有Sofa...有heater...岩晒我呢D冬天結婚既新人呀...雖然我唔鐘意人食煙...不過big day當日咁多親友...無理由唔比人地食煙架嘛...有呢個outdoor位加埋heater...連D小朋友坐到悶都可以出黎走下...父母又可以坐底睇住佢地....完美)

- 證婚場地 
  (雖然Sales姐姐話用呢個位行禮係要另外收錢...不過佢補充多句: 其實如果你book左Marquee..成個場都係你既...即係....FREE!?!?)

連<人約離婚後>都係果度取景架...(紫色台布...紫色台布...紫色台布)

 

其實當時差D就訂左呢度...連顧生都覺得唔錯...不過顧生係一個好冷靜既人...佢提議再考慮下先決定..
而我...已經乜都無去諗....係咁叫顧生:訂啦..訂啦..訂啦..我好鐘意呀!!
顧生都係果句...考慮完你都係想擺呢度...咁我地就訂啦好無?
好

離開左Marquee...顧生講左佢考慮既因素...
- 當時11年既Mini. Charge 18萬...sales姐姐話12年仲會加價...可能加到20萬..我地初步估計會擺20圍....即係要1萬蚊一圍

- Marquee 地點唔方便...雖然佢寫到明 "晚宴後免費提供穿梭巴士接載賓客到港鐵九龍灣站"...但係黎果時都係一個問題...
  話就話有免費穿梭巴士..但係由九龍灣地鐵站行到去巴士站最少都15分鐘......比著我呢D懶人...情願搭的士

- 我地睇場果陣岩岩開...未有新人擺過酒...未知服務...食物如何....一世人一次...博唔過...

- 最最最重要係.....我發現Marquee裡面係有男廁而無女廁!!!!!如果想去女洗手間要行出去商場出面架...
  雖然唔係行好耐....但係始終好奇怪囉....D人會諗點解我老公or男朋友可以行兩步去到toilet...而我要行出商場?
  (我唔知有無人無留意到而book左marquee...因為呢個問題個sales姐姐隻字不提...係我自已研究緊個floor plan果陣時發現既...)

行完The Marquee之後幾日...我地再睇左另外一個場地...有左比較...最後放棄左Marquee...

真係要多謝顧生....因為我當時成日嘈住要book Marquee...佢都叫我睇多幾間先...
好彩佢Stop左我.....
因為我更鐘意我地最後決定既地方...Our dream place...

----------------------------------------------------------------------------------------------------------------------------

Ps. 後來我因為有朋友結婚..想介紹Marquee比佢....比我發現九展個Website無左Marquee d 資料...連相都無?

俾我搵到呢段新聞:

九展僭建巨型帳篷搞婚宴

【本報訊】九龍灣國際展貿中心開辦婚宴場地服務，在四樓天台搭建可供筵開三十席的巨型帳篷，但原來巨型帳篷疑為僭建物，今年兩度收到屋宇署清拆令。帳篷卻拆完又建，在未獲屋宇署批准仍繼續做生意，預訂結婚的新人擔心到時結婚場地泡湯。

九展四樓平台的THE MARQUEE，巨型帳篷是僭建物

記者早前到THE MARQUEE視察，巨型帳篷內有水晶吊燈，鋪設木地板，四周由玻璃門圍封，帳篷內可擺幾十圍，有人正布置場地。THE MARQUEE戶外證婚套餐收費一萬九千八百元或三萬八千元，婚宴套餐價錢由每席五千八百八十八元至七千五百八十八元不等。

有測量師認為，此類天台搭建物一般需入則申請，申請期間應先拆除搭建物，獲批後才可重新搭建，否則可能屬違規。屋宇署表示正跟進事件。本報多次向九展查詢，一直未獲回覆，至本月廿三日九展突然在公司網頁貼出通告承認申請未獲批，指THE MARQUEE年初成立，已按屋宇署要求正式入則申請，並會盡力配合署方要求令申請盡快獲批。

----------------------------------------------------------------------------------------------------------------------------

睇到呢到....我真係要啜爆顧生...我地真係執返身彩

擺酒場地 - 酒樓篇

 

其實係酒樓擺酒我地真係無考慮過.........

原因係當我地發現酒店唔岩我地之後..我同顧生都總結左大家既要求出黎..

For me:

- 我個擺酒既場地一晚只可以得一對新人擺酒...

  唔希望有其他新人係唔想有比較...唔想大家互相打量....結婚應該開心唔係比較.....
   亦唔想親朋戚友去錯地方搵錯路(雖然可能係我諗多左)  加上之後我聽我Wedding planner講佢結婚果陣因為佢既Deco多同靚過隔離對新人...
  人地果邊d親戚...連果對新人都走晒黎睇一世人一次......咁無面既事我接受唔到囉

- 新娘房一定要夠大同埋有獨立廁所
  到訪過都會海逸酒店之後....你會深明我呢個point既重要性

- 我要一個真正既banquet venue....用partition間出黎我一定無可能接受...
   唔可以有柱位...而且唔可以有D唔關事既食客係度! 

  試過去飲..個場用活動板間出黎....出邊有人睇波又係度打邊勞...大家係度鬥嘈...
  最慘係我連無間partition既地方都飲過...新娘子係我舊同事....又迫又嘈既環境下仲要被安排坐係一條巨型大柱旁邊...
  連想望下個台都比條巨柱擋住....成晚好似小圈子咁...同返識既朋友傾計...睇下電視咁

- 一定要食物同服務都一樣好

  接返上面位舊同事婚禮....我地成班人真係成晚都受氣....被忽視都算...仲要受酒樓D員工氣....
  食物雖然唔差...但係次次未食完D呀姐就想拎走碟送..我地同佢講我地未食完....佢竟然叫我地食快D
  朋友想叫佢拎支叉...佢竟然話: 你無叉用..用筷子咪得囉仲慘過坐監....

  有朋友講過...結婚果日新娘個妝化得幾靚...D衫幾靚都好...過多幾年無人會記得....但係你既親戚朋友會記得d野好無食同服務好唔好...
  我絕對同意....因為我切親體會過...
  我當然唔係叫各位B2B唔理自已當日個look...就算我講...相信都無人理我
  我只係想提醒各位搵緊地方擺酒既blogger們...擺酒要搵平靚正既!! 價錢好重要...質素更緊要

  事隔年半...對方連仔都生埋...但係我每一次經過果個地方...只要我身邊有朋友or男朋友係度.....我都會不違餘力咁數臭呢間野...
  無辨法啦....作為舊同事既我...酒樓擺酒...一個人去飲...做左成千蚊人情....我無搶返D人情已經好比面
 
 係呢度費事開名...不過如果有人想知...我會好樂意話你知

For Mr. Ku

 顧生只有一個要求....佢希望擺酒地方同打麻雀既地方分開...佢十分討厭開席之前要D客起身跟住將麻雀台變飯台...佢落左命令一定要有獨立打麻雀既地方...

List左大家既要求之後...已經發現絕大部份既酒樓已經附合唔到我既要求地...所以可能慳返好多時間...

不過.....

有一次行開TST The One既時候我都拖左佢上去睇煌府...因為聽過上面幾靚...就算唔係度擺...上去見識下都好呀嘛...哈哈

第一眼望係好靚...不過好快比我見到佢隔離仲有一個細ballroom,,,,即係一晚可以有兩對新人結婚,,,一齊迎賓...一齊送客...nononooo

而且我地睇到有客係ballroom裡面打麻雀...顧生都nonono

再者我地上到去果陣有個女部長叫我地係ballroom度坐底..其實當時下午六點幾..裡面有新人係度...我同顧生問過會唔會唔係咁好??個女部長話無所謂..唔緊要...

我睇過果度應該無獨立房可以坐底傾...如果你係果度擺酒...你好可能會見到有D唔識既人坐左係個場度唔知做乜...有人唔介意...不過我就nonono

因為有新人係度..所以入唔到新娘房...不過睇相幾大..



其間仲見到吳剛師父....佢話可以幫我地免費揀日...雖然佢唔太可信....因為我從來唔知佢識呢D野..淨係知佢識心口碎大石...

不過當時睇場果陣仲未定到日子...唔洗錢...聽下都無損失..

後來返屋企比媽咪睇...真係現晒形....佢幫我揀既日子裡面有2、3個都係三娘煞...omg!!! 
(我之前有解釋過咩係三娘煞)

睇完有幾個意見...

1. 雖然唔間煌府事....不過The One d lift實在太覆雜..我地要上去都搵左一陣..
2. 個人喜好.....雖然The One煌府用ballroom個carwalk台同盡頭個帳篷做賣點...不過我真係超憎...搞到做Show咁...睇演唱會咩
    果邊乜野南瓜車呀...golf車進場...全部都唔會被選擇
3.事後聽係度飲過既同事講...因為煌府既server好多都係散工....service唔得...好無保證
4. 最重要..最重要..係佢個mini. charge仲貴過部份酒店呀...咁我係你度擺做乜呀??