DIY - 香檳杯

我係個有要求既人...(即係麻煩! )
連兩隻敬酒香檳杯都可以上網&行街睇足四個月~.~"
香港大部份既款式唔係太普通就係太誇張..
即係以下呢d...

放棄香港市場...
曾經係Etsy搵到想要既...但接近$100USD...計埋郵費好貴....又驚玻璃碎...到時真係傷唔起..

結果兜兜轉轉去返淘寶...搵左好耐比我搵到我想要既香檳杯...
簡單得黎elegant...高挑既身形正正係我looking for既

而且一對香檳杯都只係$110rmb...然後我寄集運又免郵費...

所以我決定博一博....就算爛左都未算太肉赤


香檳杯從北京黎到香港....包裝非常實淨...
一打開...絲毫無損...
而且實物同相睇到既一樣...完全睇唔出係來自國內

雖然個杯已經好靚...
但對於當時已經DIY走火入魔既我...唔加d野上對杯到的確仲覺得差d野...


所以我利用之前整剩既紙蝴蝶加上珍珠貼左上對杯上面...
一黎無咁單調...
二黎襯返我地既wedding theme..襯返我地賓客既紙蝴蝶玻璃杯


非常簡單既DIY...但已經好突出到主題

敬酒 + Surprise to me

證婚之後換敬酒衫...
其實我好鐘意我件褂....傳統得黎好sharp...
而且一世人得一次機會著...所以我選擇著返掛黎敬酒..

換完衫...首先坐定定同大家一齊睇朝早接新娘既片段...
當大家見到班兄弟姊妹自相殘殺既片段都笑得好大聲....
而我都係第一次睇返佢地朝早做過d咩....笑到癲左


笑完之後就開始敬酒...


我同顧生真係好幸運...認識既朋友大多數都唔多正常

佢地竟然係度玩鬥大聲!!! 每一圍都比上一圍講既"飲杯"大聲...


佢地既舉動真係令到我同顧生哭笑不得...大家都好highper..氣氛高漲..

興奮完之後係surprise...
其實我無係blog度提過...不過我每位朋友都知我好鐘意Jay..由佢初初出道...到今年已經係第13年....
佢地都知道我除左有個香港老公之外..仲有個台灣男朋友....
連顧生佢都無可奈何..

不過我估唔到既係...佢地會將ah Jay帶黎我既婚禮...

仲要12個咁多....連身為director既老細都玩埋一份

肥版Jay

而我見到既第一個反應係.....即刻喊~ 比呢班"JAYs"感動到喊~


我比佢地搞到喊到勁醜樣

Thank u guys! Thank u Jays~


最後同返主家席敬酒...

大功告成

婚後同事send比我既相...
當時我仲放緊婚假...
佢地正到將班JAYs放入我櫃筒等我返黎日日對住

我們的證婚儀式

當我同顧生坐定定之後...我地既爸爸就比劉律師傳召左上stage做證婚人


宣誓....
誓詞係personalized既...vows card係tailor made既...
獨一無二既配搭...對我地黎講別具意義...

顧生宣誓既時候聽得出好緊張...而我竟然好自然~ (爆冷)

交換介指..

我地無特別揀牌子...無Tiffany..無piaget...無cartier..
只有喜歡既design同合理既價錢...
因為我同顧生已經達成左秘密共識....


揭頭紗....
我見過有新郎當新娘子既頭紗好似蛋卷咁卷上去....好彩顧生好醒目無咁做

之後當然要黎個指定動作啦


然後就係簽賣身契...劉律師一直係旁邊好好笑容

等埋兩位爸爸簽名...劉律師chop印...


我地正式成為 Mr. & Mrs. 啦~

顧生開始致謝詞....無喊...

然後到我既時候....第二句已經開始勁喊...喊到講唔到野

我地既致謝詞有好幾種語言...廣東話之後...首先由我用國語同我地既台灣朋友致謝..
然後到顧生醒覺要用上海話同佢既親戚再致謝...
顧生佢表情太可愛...大家都笑左....氣氛一下子從溫馨變成笑場
搞到唔記得同其他聽英文既朋友仔致謝

我地致謝詞講左好耐...好彩大家都願意聽

MC Tony 將當晚既氣氛控制得非常好...而且無出現我最驚既: 開大個mic勁大聲講野


我同顧生落返檯之後就開始上菜...

食完第一塊乳豬之後又要去換衫啦..