拍拖六週年紀念日

4月22日係顧生同顧太拍拖六週年既紀念日....
咁......即係又有藉口去食大餐!

今次去左尖沙咀Gateway hotel新開既餐廳 - Three on Canton
如果唔係識食朋友極力推介...我相信我唔會再踏入呢間酒店食野...
其實並無大件事發生過....
只係N年前係佢地間cafe - Coffee Mill (已結業)食過相信係呢一世最難食既buffet..
再加上我係果種衰過一次記一世既人...我完全無打算再行入去放底銀兩

顧生成日話我呢種性格好奇怪...
例如:
- 踩單車曾經抄過...至此之後就無再踩
- 細個果陣食龍眼...誤吞龍眼核...至此之後就無再食過龍眼...
  然後慢慢演變成驚龍眼??!!  (當然顧生都比我下左禁令唔準食啦)

點解會越拉越遠.....
ok...其實我係想講今餐令我對Gateway hotel既感覺改觀左...
因為真係唔錯..Buffet多食物選擇..而且質素ok...價錢唔會太貴...

我唔續樣續樣講評語啦...因為.....因為..........
趕住返屋企執行理......
我同顧生又要出發去台灣啦..Hehee

接新娘 + 敬茶

----------------------------------------------------------------------------------------------------------------------------------

其實我地都算係咁...玩完班兄弟都沖返蜜糖水比佢地順返條氣...潤下喉

然後既程序原本係姊妹叫顧生比開門利事....讀愛的宣言...然後接新娘...
但係我地班兄弟姊妹已經玩到失控....班姊妹主動摷利事...
我從來未見過有人接新娘..班兄弟姊妹會咁爆...笑死我

當然最後顧生都有乖乖交出開門利事....
 

讀埋我幫佢設計既賣身契.....





係我爸爸手上接走佢既千金

同daddy mami...哥哥嫂嫂敬茶....然後佢地幫我戴起金飾...又想喊

敬完茶就黎Group picssss......

Nice 1

係時候出發去男家啦

接新娘Game 3 - 千里姻緣一線牽

第三個遊戲 - 千里姻緣一線牽
呢個遊戲諗左我好耐呀....好彩我地果班"瘋癲"既兄弟姊妹....個個都非常投入....效果非常好

玩法:
先預備4條絲帶，其中3條紅絲帶的末端都縛著一張咭紙，咭紙寫上懲罰事項，
而最後一條絲帶縛著新娘的手。
(最初只俾3條絲帶顧生選擇，縛著我隻手果條最後先扮檬話漏左，哈哈)
..........即係要硬食由我安排比佢地既懲罰

顧生最先抽到既係: Welcome drink
大家睇到個"色水"都知唔方好味

第二懲罰係:

原本既玩法係:
用眼罩矇住顧生既眼，要佢先原地轉5個圈，然後俾支紅色唇膏佢幫兄弟搽唇膏，
其他兄弟只可以用說話話俾佢知方向，搽完之後每人錫新郎一啖。

不過負責買唇膏既姊妹買漏左.....所以只好當日叫我哥哥係娘家拎一支去酒店....
原本叫哥哥拎果支朋友送比我既唇膏 (唔貴、夠紅、朋友送比我只因外表得意...)
點知一錯再錯...哥哥拎錯左我支YSL唇膏.....我好鐘意既一支mini唇膏....絕版
再然後...班男人唔識用唇膏...一扭扭到盡....一畫就................斷左


唇膏未斷前....

兄弟又開始相殘....(大家睇下最左邊伴郎隻手放左係.............)
事後睇返video.....顧生仲未知受害者比人封住左把口......仲不斷叫佢d兄弟比instruction.....

然後大家叫顧生憑感覺畫.......呢d咪兄弟囉

唇膏斷後....
大家即刻執生....叫顧生用剩底既唇膏搽落自己到.....然後換佢去錫佢班兄弟

有d好乖...

有d反抗

最後一條絲帶.....大家都以為係新娘啦掛??
不過Sorry.....驚你地肚餓....食埋welcome food先

不過有人想偷雞..............最後自食其果

接新娘Game 2 - 錫晒老婆

第二關名為 - 錫晒老婆...(我為每一關遊戲都改左有意思既名)

主角係老婆餅...


仲有勁多cream on top...


玩法:
先將唧左cream既老婆餅放係地下 (用膠袋墊底...做個有手尾既人)，
然後新郎同兄弟們一同出戰邊做掌上壓，邊要吃哂全個老婆餅。限時2分鐘!

打頭陣既係顧生...
最初大家都非常安份守己....


然後有位兄弟......
襟左顧生個頭一下..




上返黎副"俊臉"己經....


然後另一位兄弟又多手...."了"左d cream再達上顧生塊面....

然後........................................
兄弟就開始相殘了

然後姊妹見狀......當然要加多腳...

然後..........
一個遊戲變成.........私人恩怨.....

雖然我係房....但係每一次睇返相都覺得OMG...好好笑