消失了的生日 - Happy Birthday to me

看見到topic好疑惑嗎??    嘿嘿...

2月係小妹既生日月.....可惜今年無我生日....
相信你地都大概估到了吧?!....
無錯！小妹生於四年先有一次既日子 :2月29 (你之前咪講過囉)..haha...
雖然呢個生日日子實在特別...朋友通常都過耳不忘...但係....
無29號唔代表唔洗同我慶祝!!!!

聰明既我一早告知顧生無29號就2月28 & 3月1都係我生日！
有2月29號既年份就要大搞！

婚過既第一年生日其實我只想平淡地過....
好好行下街....睇戲食飯....過下拍拖生活就夠....
只因我同顧生大概有半年無睇過戲T___T"

不過今晚(27) 23:00放工落到office 樓下已經收到第一個驚喜...(花)
同顧生食完宵夜返屋企就比人趕入房唔準出廳2分鐘....
2分鐘後出廳又係另一個驚喜...顧生買左好多甜品俾我食..omg..



睇黎...一覺訓醒之後又係一連串既驚喜....
因為....顧生顧太都係鐘意玩驚喜既人...太了解大家

上海Pre-wedding - 婚紗相分享 (私)

上海既懷舊風婚照終於面世啦..... 同台灣既自然風格完全唔同


懷舊婚紗look..

旗袍式晚裝look:



\

全輯相我同顧生最最最愛既一張相....無執到相只係改左少少色已經勁靚!!!

(最後我同顧生揀左做油畫&請貼裡面既direction card...好多親戚朋友都讚^^)

另一張非常非常鐘意既作品 ...一樣無執過就咁靚

晚裝look:
(已經離開左影城...去左上海外灘周邊既地方)

第一年派利事^^

雖然遲左...但有心唔怕遲

小顧太係度祝各位:
新年快樂！
身體健康！
四季平安！
心想事成！
新年多賺！
吉星高照！
一帆風順！
事事如意！
名位籌備緊婚禮既JM們事事得心應手...有個完美難忘既婚禮！
(我知道真係好辛苦...大家努力呀！)


本來想訂造利事封...不過趕唔切...
希望下年可以有屬於自已既利事封 
(顧生話我誇張...哈哈...男人你懂甚麼?!)

第一年派利事出去..感覺好特別...
聽得最多既祝福語係: 三年抱兩，年生貴子

Pre-wedding @ 上海 - Day 3 & 4

Day 3 ..

原本打算去周庄玩玩....不過酒店張床十分鬼異...
將我同顧生牢牢吸住...動彈不得...咁我地唯有繼續訓啦

咁樣一訓就訓到下午....又要起身繼續搵食...順便買買手信..

兩輯婚紗相都影晒....好似放監咁....
第一樣要衝去食既係....

登登登登...小楊生煎！！
第一次去上海比個無良司機呃話執左....搞到信以為真無得食...
後來問返顧生堂妹先知原來只係搬左入商場..

.

隔住玻璃已經見到一個個生煎包...好好味咁呀

顧先叫左好多野食....但個人覺得其他無乜特別...

終於食到你啦!!!

 

先咬一啖.....wow...勁多汁

皮脆肉嫩又多汁!!! 黎上海不能不試!!

打包多一盒返酒店食...hehehehe

食完小楊生煎...行左陣買手信...就搭車返酒店執行理..

臨上房前去酒店附近呢間鋪頭買埋小吃上房開大餐....

其實原本係上海人買黎當送食既小菜..

但係我地當小吃咁買黎開大餐...

一袋二袋咁.....一邊睇戲一邊食...正！

Day 4..

一如昨日...都係訓到中午先起身退房...
係酒店附近閒逛(其實無野行)...無所事事得黎又幾寫意
下午4點出發去機場....

就係呢個上海虹橋機場...我係呢度呆等左勁耐...
呢個機場細....加上香港航空飛機delay...無野行...無野食...上網又搞左勁耐.....
講黎講去都係多得香港航空呢個垃圾airline....

無聊到影飛機...

原本19:00起飛...21:40到香港既航班...到21:30先係上海起飛....
去又delay....返黎又delay...呢間野到底幾時執?????唔再為禍人間?!

零晨12點終於land香港.....返到屋企訓得黎都3點.....跟住6點起身返工.....
我再係度再一次多謝香港航空!!!!!
Dammit!


我既上海之旅就係咁嬲住去...嬲住返~