結婚一週年 • Paper Anniversary

29.11.2013係顧生顧太結婚一週年既大日子...
原本打算為顧生製造驚喜...如下:
泰國來回機票..Book埋酒店..然後偷偷地幫顧生執好行理..
當日帶埋Passport去接顧生收工然後直奔機場..
(咁激一定嚇到佢傻...haha..諗起都覺得興奮..XD)

不過...
1.顧生放工時間唔穩定...當日準時都要20:00...
2.行程只有3日2晚...夜機去到泰國都已經零晨...咁就無左一日....
3. 問過做旅行舍既朋友..回程只有早機??!!!!!!!!!!!
即係...玩得1日.....哈....哈............哈哈 T0T"

想過去澳門..但已經玩到悶....最後...竟然決定留返係香港..
由於29號當日大家仲要返工...只好留待晚餐慶祝..

晚餐選揀左Gateway Hotel既餐廳 - Three on Canton
餐廳以Buffet為主...裝修過後環境比之前好好多..
食物放面仲好唔錯添..

提早同酒店request左一個mini cake for慶祝週年紀念..

個心太軟無錯係幾好味...但望真d...

"1"唔係應該用'st"咩?? 點解會用左"th" ???? lol

話晒都係一間酒店..犯埋呢d低級錯誤? 哈..哈....

係我O大個咀既時候...

顧生自言自說話咩...imperfect makes perfect...

Me: What??! #&$%^&)...+_+

食完飯同顧生去返我地第一次約會既地方..

拖住對方既手...吹下海風...靜靜傾下計..散步...

然後一齊返到屬於我倆既家...

一切簡單又滿足 =)

呢一年多謝顧生對我既照顧...

但係如果你唔再將d野亂咁擺我會更加appreciate的!

Hahahaha...

希望我們一直從紙婚牽手走到鑽石婚..ily hubby >3

First time being a wedding planner

之前講過答應朋友為佢婚禮做wedding planner..
自問對自已要求唔低....加上結婚係一輩子一次既事..
我緊張地用左整整大半年為佢婚禮作準備...

從最初preparation list(List晒所有wedding要買&準備既野)...
搵律師、Decoration公司、攝影、禮服等等vendors...
到兄弟姊妹meeting...諗接新娘遊戲...
整左兩個list: 過大禮&上頭儀式程序...
然後又整左兩個表: 利事分配 & 金器記錄表..
(事前打比vendors問當日有幾多工作人員好等新人準備利事)
還有編寫rundown..幫新人整Seating plan (因為佢地時間唔夠..haha)
最後準備埋emergency kit + 婚禮當日全日幫忙

雖然唔少朋友係我婚後都問我關於婚禮上既問題..
但擔當婚禮統籌始終係第一次...
論自已當晚既表現都有80分啊..(嘿嘿)
因為首先婚禮無被我搞亂...haha
而且仲有好多小問題都被我解決左..

(例如有位姊妹條裙無試到結果當日發現拉鍊位係爛既)

時間上安排...出門...到男家..March in...證婚...影相...開席...送客etc.

順利完全整個婚禮真係好有滿足感..

當晚新人係台上親口致謝左我一次...

婚後Facebook又多謝一次...

顧生同班朋友(我地都有份去飲)當晚都讚我做得唔錯..

連專業既攝影師都讚我rundown做得好好..

我就知道辛苦左咁耐無白費..(激動mode XD)

然後回家既路上顧生又再開始慫恿我做wedding planner..
(無錯!佢之前講過無數次...

佢話佢老婆~即係本人~好有天份不能浪費等等)

但要開始邊有咁易?
顧生唔明白既問題係...比起錢...我更著緊個outcome..
我唔能夠同一時間hold 10個wedding job
然後10個婚禮既planning都一樣...
對唔住人亦對唔住自已...(笑)

我張A3 size既rundown...嘔血之作

婚後物資出售 / Wedding stuff for sale

將會結婚既朋友仔可以黎睇睇有無野岩...好快好快會出post啦!!!

The new blog is ready!!

整左足足兩日....終於含辛茹苦將呢個blog整到見得人!  (根本電腦白痴T__T")
如果呢兩日咁岩有blogger經過...可能以為我痴左線...
不斷轉background...layout..etc..但卻一個比一個醜樣...XD

至於blog transfer依然唔識...要再研究!
不過整靚個blog我終於有mood去寫啦!! (拍手~~)

最近都係比較忙..
- 9月同爸爸媽媽去左台灣...

- 10月同顧生&老爺奶奶去左泰國..1個人plan晒兩個family trip真係唔簡單!

- 搭入11月...
月中有朋友結婚....答應幫手做wedding planner就要做到最好...顧生話我d強迫症嚴重左lol...
月尾係結婚一週年既大日子...book左餐廳食飯但係未諗到送咩禮物俾老公大人...然後顧生話想去個2日1夜既細trip....已經咩都諗唔到...所以最近忙到有d思覺失調! (笑)

- 12月雖然暫時未有特別活動不過係奶奶生日月....Body check...加上有兩份paper等住我寫...寫到14年1月交左又要準備過新年...過完年又要寫畢業論文T0T....點解結完婚仲係咁忙?

---------痴線...做乜越講越遠?!---------

Blog會開始寫返....依家開始係屋企拎返d結婚用品出黎...影完相就可以放上黎比大家揀lu!!

My tailor made evening gown

送客晚裝並唔係上網買...而係o係香港度身訂造既...

雖然係一間小店...但口碑唔錯..加上價錢一d都唔貴就俾錢落單lu...
裙款係我在雜誌上睇到既...但造出黎既實物比我想象更靚!


唯一美中不足係我原本想做紫色但奶奶唔鐘意...結果做左淺粉紅同backdrop & 姊妹裙顏色有d相似...


好彩現場睇問題唔係太大...而且我覺得都幾好睇呀!

My The One + 珍珠頭紗

我既The one同紅色既迎賓晚裝一樣...都係一見鐘情既!

有緣既地方係...雖然係一個外國website...大家用英文交流...但後來竟然發現對方係一位上海人..
我心想: 穿上上海人為我度身訂造既嫁衣...然後我再嫁俾上海人(顧先生)
呢種感覺既親切又得意....所以好快就將所有尺寸資料告知對方...靜待我既嫁衣來臨

我既The one並唔係一般新娘著既off shoulder....
自問膊頭唔夠薄...(即係唔夠瘦)....著off shoulder只會顯得個人更圓潤..
加上Simple elegant vintage先係我杯茶...呢件嫁衣揀直係我不二之選！
雖然唔係甚麼名牌子...但可以係合理既價錢..擁有一係全新而自已又非常鐘意既The One..
我認為先係最重要..







收到The One既時候我係覺得好滿意既....可惜婚前一星期足足瘦左7磅...

內心係好開心...不過胸位同腰位縮左水...條裙著落唔係太修身...
(買禮服其中一個壞處就係肥左/瘦左好難一時之間搵到人幫你改...)

不過好彩當晚都無走到光...而且影相都唔係太覺..

 

而我既頭紗係一位朋友賣比我既...
從英國運黎香港....軟軟既頭紗被vintage花邊包圍..上面釘滿珍珠..一見令人著迷~~

 

 雖然婚紗唔係太貼服...不過整體黎講我已經好滿意lu~

My real 70s vintage dress

未知你地有無發現...其實除左裙褂...我無出過其他關於禮服既post...(顧生既除外)
其實事實既真相係...除左裙褂係租返黎之外...其餘所有禮服都係買既
買禮服最主要既原因係 - 我覺得外面租既禮服太花巧!
個人認為越簡單既禮服越抵得過時間既洗禮....可能幾十年後拎返d相出黎都唔會有太out既感覺!

呢一件係我既迎賓晚裝..
無意中比我發現.....當我第一眼望到佢...我明白咩叫一見鐘情...
Simple elegant vintage...正正係我最愛既!!!
當時我咩都無諗就即係contact賣家係加拿大將佢運黎香港....

當你搵到你心目中既晚裝...心中既喜悅係非筆墨所能形容既...
我相信只有相同經歷既b2b先會明白!
 

雖然當時顧生同Wedding planner都覺得條裙太plain...但我實在太堅持佢地都無我辦法~
 

結果...
先唔講條裙好似為我度身訂造咁fit size....完全唔需要修改!
當晚更加係眾多親朋戚友覺得最靚最靚既一件晚裝...
顧生勁like...姊妹們狂讚...化妝師話想買一件黎參加event著...連就黎結婚既3位朋友都問我拎info.

當我結完婚之後打算幫化妝師問問可唔可以造多一件...順便多謝賣家既時候...
我先發現呢條裙最今人驚喜既地方...
我一直以為佢係賣家造出黎然後for sell既....但原來自已真係買到真古董而不自知...
當我睇到: It was vintage. It was actually made in 1976!!我即時係電腦面前尖叫起上黎!!! OMG!!!!

  

 

 呢條裙...我覺得係上天送俾我既嫁衣..
- 裙係加拿大...人在香港...竟然有緣份比我遇見...
- 遇見以後有幸比我買到...
- 收到以後..裙好似係為我度身訂造一樣fit size..
- 由俾人覺得太plain唔似結婚到人人都讚好好睇..
- 由以為自已買既係彷vintage...到知道自已確實擁有一條古董裙...
呢一切一切都令到我覺得好感恩!
I am so blessed

關於我既禮服......

未知你地有無發現...其實除左裙褂...我無出過其他關於禮服既post...(顧生既除外)
其實事實既真相係...除左裙褂係租返黎之外...其餘所有禮服都係買既!

買禮服最主要既原因係 - 我覺得外面租既禮服太花巧!
個人而言..我並唔鐘意公主裙(Too cute for me)...
太多閃石(我唔係登台)..
Off shoulder(肩膊位唔夠纖細露肩唔好睇) ...
影婚紗相試過就算...無謂係自已既大日子將自已既短處暴露於人前~

睇過幾間婚紗店...禮服都係圍繞住我最唔鐘意果d原素去制作...
所以我決定唔再浪費時間...唔再行婚紗店...全力係網上搜羅我既禮服!!!
我所指既"網上"當然唔係淘寶果d只可以拎黎影pre wedding既裙...
我所指既係外國運黎香港 or tailor made既禮服!

我既The One..迎賓 & 送客禮服..都係上網買 / 度身訂造返黎既..
全部都好靚好鐘意..
而買呢三件禮服不單只仲平過租..最驚喜既係其中一件禮服仲係真既古董裙添!!!!
令到我呢個鐘意Vintage既人開心左好耐!

兩千幾禮服錢真係抵俾...買左係自已既唔洗還

等我做完assignments 再同大家逐件逐件分享..

我的裙褂

慶幸我當初無租Cocoon裙褂...(我應該係少數會咁講既新娘)

Cocoon潮褂係好出名而且裙褂造功好..Service唔差....
當初我都有行駛我B2B既權利慕名去試試... (Cocoon試褂記)
以為自已會租...可惜一試上身..以塊一布造成既褂根本唔修身...
再諗諗租Cocoon褂并唔便宜...HKD$3xxx....
加上店鋪地點唔方便...自已又唔係住香港區...
結婚前一日一定忙到癲..無可能山長水遠去到中環爬斜路拎褂...
婚後第二日累到傻出多次中環又爬長命斜還褂...
絕對無同錢&自已過唔去既理由...

以前公司係尖沙咀好多時放工都可以行去婚紗街睇睇...
睇過幾間唔係要俾試身費就係得零零丁丁幾件褂..
幸好最後俾我搵到Red wedding...(裙褂Confirmed - Red Wedding)

婚前一日去Red wedding拎褂...試試件衫有d鬆...
店裡面既姨姨唔洗10分鐘就幫我改好左...
揀埋頭飾就離開lu... (頭飾係租褂包既..以備不時之需..結果真係用得著!)


我呢件裙褂好新淨..好靚!


著上身好貼服..好精神...
裙尾既珠片會隨著我行路而擺動...閃下閃下


顧生話呢張相係佢講緊野既時候影..影得佢唔好睇...
不過我著住褂笑得好開心...因為佢話成副身家俾晒我..我好happy

我好鐘意我既裙掛...前面後面都好靚

Red wedding評分: *****  (5* 為最高分)