Pre-wedding @ 上海 - 準備物品清單

有左台灣pre-wedding既經驗...上海既準備物品清單就變得好簡單...
只要換湯不換藥..delete唔需要既野就完成啦...

以下係我既清單...大家可以參考下...當然最後要按自已需要去準備啦

Pre-wedding @ 上海 - 準備篇 1

嘿嘿嘿 ...
(以笑遮醜.. 小姐你婚都結完啦..仲pre wedding...你好意思嗎? )
其實我都好想寫...不過屋企部電腦壞鬼左...用notebook又唔方便..
so...
來個快review吧..
__________________________________________________________
話說去完台灣影pre wedding 後半個月....我同顧生又出發去上海影第二揖
有左去台灣準備工作既經驗...加上問下老爺奶奶意見(上海人)..
好快就安排好酒店住宿 & 行程...

機票
識朋友做旅行社...check 到香港航空有平機票$840 + $821稅...total $1661 / pax, round trip..
不過朋友一早warn左我唔趕時間先好揀...因為佢地經常性delay
但係因為咁平都已經無理到....照book.....
(結果? 今日係第一次亦係最後一次....坐完真係會delay佢no more)

酒店
拍拖既時候同顧生返過上海兩次...顧家有兩間祖屋係長輩留底...位於靜安區..
所以我呢個廣東人係上海對靜安區印象比較深...
老爺奶奶話靜安區好，搭車食野都方便之餘治安都唔錯...
所以當初搵酒店就從靜安區搵起...

搵酒店既過程中發現中國原來有好多品牌連鎖酒店...
雖然唔係Hyatt、Hilton、Shangri - La果類...但係話晒都連鎖酒店...應該唔差...
加上我地兩個酒店人...緊係要搵平靚正！
最後既target有兩間:

1. 漢庭全季酒店 (靜安寺康定路店)
(當時房價: $370人仔一晚)


2. 漢庭全季酒店(靜安寺中心店)
(當時房價: $410人仔一晚)


同一集團..兩間酒店都好新淨..不過(靜安寺中心店)既複式房...無論外貌同價錢都好吸引！
小妹差d就book左...但係最後顧生話我地係去影婚紗相...唔係去旅行...
一早化妝師同攝影師要黎酒店化妝同briefing...我同佢又要換禮服...
行上行落對大家都唔方便...
所以最後訂左(靜安寺康定路店).....
住3晚都係$1110rmb 而已~

我回歸啦！！！

HELLO!!!!

結完婚剛好一星期! 小妹正式回歸Yahoo Blog啦!

先講講近況吧!
結婚前一星期開始放假...不過放假比返工更忙...好似痴左線咁！
每日朝早10點起身，一直趕工..趕工...趕工 x 10000
然後通頂直到第二朝朝早7點訓...
跟住每日只食一餐 (娘親煮既晚餐) 自已煮都覺得係度浪費緊時間！
有時出街整野唔係屋企食飯我只會去面包鋪買一個包填肚...咁就一日~
就係咁...每日食一餐..訓3個鐘既環境下..我幾乎每日瘦一磅！

雖然非常有效瘦身..不過呢段過去真係不堪回首
辛苦到癲...個人又燥底..壓力非常大...

去到結婚前一日...亦係我呢一世人最忙既一日...
根本忙到唔知自已做緊乜..
的士都搭左5、6次 (仲遇到衰司機!)
然後終於去到酒店...上頭...零晨3點半先訓著...
5點又醒左...眼光光等天光...(打左篇blog)

結婚當日一切非常順利...由接新娘、出門、去男家、去馬場，晚宴等
全部順利完成！ 仲得到好多人讚賞！辛勞終於得到回報！
我同顧生放鬆左個人..好好去enjoy我地既wedding..
大家玩得非常盡興，我能夠用完美去形容我地既婚禮！

婚後第一日我同顧生拖住訓得幾個鐘既身驅去還衫 + 回門
夜晚再同親戚食飯...然後我就開始發病啦....
好彩之後幾日都休息...依家已經好返好多....

尋日開始返工...發現做少奶都唔容易
朝早起身要執床...自已get ready...夜晚要洗碗(好彩奶奶煮飯)..
有時要洗衫、浪衫..
要提顧生沖涼、訓覺  (Yes..你無睇錯)
好似除左自已之外仲多左個仔要湊咁.....
顧生依然非常梳乎...以前有一個女人照顧佢...依家有兩個...

我知道同老爺奶奶住唔容易...亦聽過太多人抱怨..
不過慶幸我地屋企夠大(其實係兩間屋打通)...
老爺奶奶亦比好大空間我地...
叫我地得閒兩個人出去拍拖食飯，
仲叫我唔捨得娘家可以得閒返去住下...
而且係依家天價樓市既環境下，我都顧生都唔洗為供樓而煩惱..
已經要偷笑...What more can we ask for?

(因為結婚相仲未拎到...所以黎緊都會繼續上海pre-wedding同preparation work)

先奉上少少花絮做見面禮

我係顧少奶啦

 

 

It is today!!! 我地結婚啦!!!

Hi there!

Im now in hotel and woke up suddenly in the early morning! 
Just lay on the bed and wanna say hello to u all！
Simon and i are getting married today!! Hope everything goes smooth



Yuki will be back soon with her blog here! Hahaa~

Cheers!

準備我們在家鄉的婚禮

對啦...你無睇錯....我地除左係香港擺酒之外...鄉下都要擺多次....因為爹娘話鄉下多親戚
相信睇過我blog既朋友仔都知顧生係上海人...不過我好似無講過我家鄉係邊...
小妹家鄉係東莞...正宗廣東人

講返我地個家鄉婚禮...其實講左返去擺酒好耐...顧生已經由唔願意變接受...
只係當時無諗過寫係blog...所以無提過。不過諗諗下..呢個亦都算係一個回憶..

我能夠預計呢個將會係十級hea爆婚禮 (其實講係gathering / 飯局更貼切)...
因為我同顧生完全無諗過大搞...大家都諗住著便服...當返去鄉下食餐飯算...
最多播下我同顧生既結婚相...唔好再搞咁多野..
因為呢個"婚禮"正正係我地香港婚禮之後10日...12月9號!
岩岩忙完兩年既大project...我再無咁好心機去癲多次

先黎個回顧...

上兩個星期顧生同我 & 我屋企人返左東莞傾酒席...順便睇下個場 (其實無乜期望)
先先要去拜訪我舅父一家...話說佢同酒樓個經理相熟...(Discount?!)
家鄉依家真係發展得好發達...由其係我d親戚....以前返親去拜年..D親戚屋企個個又大又靚...
豪到你不能相信果種程度....搞到好似睇樓團咁..(豪宅果種級樓)

舅父最近搬家...一去到..佢又帶我地睇樓咁參觀佢間house...

因為置身於舅父屋企...所以影唔到佢間house既outlook...
不過style係同佢對面間屋差唔多...但舅父係打孖買左兩間打通黎住....哈哈哈(^^" 滴汗)

呢個係佢屋企既客廳...影相無左果種"超級大"既感覺lol


重點! 小妹打聽到呢張紅木茶几要40萬RMB  
(淨係張茶几已經可以支付我同顧生係香港個婚禮啦！！！！ Oh My...)
連部電視都係顧生想要既新款T___T"



至於呢個中式陶瓷吊燈就係我既favorite...好classic又好creative



佢地屋企有個室內魚池 ^一^"



天台...
自已種菜、種香草


呢棧燈小妹亦好鐘意...(仲有燈下面果個路人)

你可能會問...點解佢地咁有錢??....
答案就係間house裡面...佢地養金錢龜架！！(小妹有幸細個果陣食過金錢龜蛋)

聽舅父講細龜可以賣到三、四萬...靚既大龜仲可能賣到20幾萬
聽到我同顧生都講:不如我地返黎跟你學養龜..(平時咁辛苦返工都唔知為乜)

雖然以前次次去拜訪舅父我都嘈住要睇金錢龜...亦都真係睇過N咁多次...
但係今次同顧生真係大開眼界...舅父捉左一隻起身比我地睇...話d肉色偏紅先係金錢龜...
仲教左我地點分公乸... 最重要係比我知道左係香港..果d標榜用金錢龜製既龜苓膏..
無論賣幾貴都係假既..雖然都估到...不過比個專家證實左...以後飲涼茶算..唔洗徙錢買龜苓膏

參觀完舅父間豪宅就出發去食晚飯...順便睇場...
呢個酒樓唔算十分靚..不過勝在係火車站對面..而且係東莞住既人無幾個會唔識 (親戚話我知)

呢個係大廳...其實樓底好高又無柱...只係佢一d區分都無...其他人照坐係隔離食飯...
望住晒..好奇怪..

另一個係細廳...有間格..唔會有無謂人坐入黎...不過只可以擺到15圍...我地依家已經數到有17
不過最後我地都揀左呢個細廳...
我情願減圍樓...都唔想有無謂人係到

揀左細廳...個酒樓經理就比左一大堆請帖我同顧生揀...
聽講內地既酒樓都係包印請帖...咁樣我地可以煩少一樣

其實我都知祖國既請帖大概都係紅噹噹果種...我唔期望有咩驚喜...只希望唔好咁"娘"...
反正唔洗另外收錢...what more can we ask for?

最後我揀左上面果張...而顧生就揀左下面果張...
不過反正香港個婚禮顧生已經任我玩...咁我就俾佢話番次事啦
最後揀左下面果張...

至於menu...舅父話唔洗理佢張菜單...
總知話佢知個budget..佢會幫我地盡"R"...連個經理都叫我地當張菜單係參考就算..咩都可以改...

Oh! 大陸識人真好...深深體會到係大陸"關系"真係好重要...