月餅

係係係...我知我知......點解個標題係月餅呀嘛...

我知我知...中秋過左10世...聖誕都黎緊啦嘛....

張就下啦老細...原本我都想update下兩個月前去上海D相應下節架啦 (萬聖節...有我個樣呀嘛....)..不過都唔可以跳Step跳得太離譜...所以要update下去上海前整既月餅....目的係慌死人地唔知我識整野食...哈哈哈哈哈..o拿...大家落足眼力啦....

首先要買好多好多好多鴨蛋...然後刮左果D黑色野....跟住洗到隻手甩皮咁滯...分開蛋白同蛋黃...再蒸熟佢...然後切半...備用...

跟住用水開左D冰皮粉...加菜油...搓呀搓...大概半個鐘...搓到你感覺到隻手就斷就差唔多啦....

然後做工廠女工...將D蓮蓉包住隻蛋黃...再用冰皮粉包住D陷...不斷重覆.....

跟個用個餅模壓返個形狀出黎...放入雪櫃就食得啦....

臨出發去上海前一個星期日日不斷趕工...終於係出發前做起108個月餅...順利派晒出街！好多人都話好味...出年繼續

-------------------------------------------------------------------------------------------------

ps.

上面呢個月餅係係美麗華買既...其實之前買開半島or九龍酒店都唔錯...今年聽人講九龍酒店個月餅師傅過左檔去美麗華..所以我先買美麗華試試..不過你地睇下...未食已經散晒...大家唔好買美麗華啦以後.....

Disney Pinssss

...好耐無寫blog...消失左一排...忙到.......

不過我今次都唔係寫Blog...我係黎還債...哈哈

應承人既野要做...雖然遲左d...不過遲到好過無到

神算鼠哥哥....醒你既！

左上角個唐老鴨可以較角度架...

                                            

 

8月23日

8月23日....
我相信所有香港人都唔會忘記...
因為放假...一覺訓到夜晚9點.....起身打開電視.....發覺唔對路...
9點應該做緊電視劇...點解係新聞.....
原來有一班香港旅行團係菲律賓馬尼拉被脅持...果時有傳有兩個人已經死左.....
跟住一直上網睇新聞...一路睇電視既新聞....電視係咁keep住update update....
我就一直坐係度睇....唉...真係飯都食唔落...睇到依家零晨5點....車上面15個人...8個人死左....7個人受傷...當中2個人重傷...
原本就咁睇...呢件事係不幸....
但係當你睇到當地既警察點樣去拯救我地既香港市民...就唔係不幸咁簡單....

1.用條繩去梆住個車門...打算扯開度門....點知條繩甩左.......度門向裡面推就開架啦....
2.用個鎚仔(無錯係"鎚仔")去打個車門.....搵個大d得唔得????
3.用鎚仔(again)去打個車尾玻璃....頂你...有人質坐係車尾架...你打爛晒d玻璃又可以點?
最後d警察開太平門入去囉T____________T"
4.以為佢掉閃光彈救人...點知掉螢光棒...真吹漲.....有咩用呢請問??係咪等氣氛好d??
5.個槍手多次開門放人質走....又開左d窗廉向外面望....點解果d所謂既特警唔開槍???
點解??點解唔做野???
6.有人質坐係車頭...領隊又比槍手鎖左係車頭....我唔明點解D聰明特警要係車頭開槍...個槍手開晒門企係度你又唔開...係窗望出街你又唔開...偏偏要係車頭開....

其實好多次機會比佢地開槍....比佢地救人......其實好多人唔洗死...甚至係全部唔洗死！！搞左11個鐘...無一個人可以完整無缺行返出黎！！我想問下呢d係咪叫不幸????呢d係人為囉！！！

仲要比我上網見到呢張相...

我唔知佢呢支"手槍"點上子彈...

仲有煲呔曾話一知道出事已經打過比菲律賓總統..但係搵唔到....到事件完畢,條廢柴就出來啦...新聞咁講:
菲律賓總統阿基諾三世深夜到事發現場視察說，本來對保安部隊營救人質很有信心，但後來情況有變，認為槍手被迫至邊緣，又說沒有人可以保證，營救行動必定成功。
廢人講廢話...d人都去晒醫院你仲去事發現場做乜Q呀??

仲有..有d無謂人仲post埋晒d無人性既說話上網...人地已經好慘...你唔同情人地唔緊要...但唔好落井下石囉...呢d賤人...下一個就到你！！

Even the sky is in tears for what has happened... R.I.P